திமுக அந்த ஒரு முடிவை மட்டும் எடுத்தால் இனி ஆட்சியைப் பிடிப்பது ரொம்ப கஷ்டம்! அடித்து சொல்லும் திருமாவளவன்..!!!

தமிழக அரசியலில் கூட்டணி அரசியல் மீண்டும் விவாதமாகி வரும் நிலையில், திமுக கூட்டணி குறித்து அக்கட்சியின் எம்பி ஆ.ராசா தெரிவித்த கருத்துக்கு விடுதலை சிறுத்தைகள் கட்சித் தலைவர் திருமாவளவன் பதிலளித்துள்ளார். கூட்டணி அமைக்காமல் திமுக மீண்டும் ஆட்சியைப் பிடிப்பது எளிதான விஷயம் அல்ல என்றும் அவர் கருத்து தெரிவித்துள்ளார்.

ஆ.ராசாவின் கருத்து சர்ச்சை

தமிழகத்தில் ஆட்சி மாற்றத்திற்குப் பிறகு, திமுக கூட்டணியில் இருந்த காங்கிரஸ், இந்திய ஜனநாயக முஸ்லிம் லீக், கம்யூனிஸ்ட் கட்சிகள் மற்றும் மதிமுக ஆகியவை தமிழக வெற்றிக்கழகத்திற்கு ஆதரவு தெரிவித்ததுடன், அமைச்சரவையிலும் இடம்பெற்றன. அதே நேரத்தில், விடுதலை சிறுத்தைகள் கட்சி மட்டும் தனது கூட்டணி நிலைப்பாட்டை இதுவரை வெளிப்படையாக அறிவிக்கவில்லை. அக்கட்சியைச் சேர்ந்த எம்எல்ஏ வன்னியரசு அமைச்சராக இருப்பதும் அரசியல் வட்டாரங்களில் கவனம் பெற்றுள்ளது.

இந்நிலையில், அண்மையில் நடைபெற்ற ஒரு நிகழ்ச்சியில் பேசிய திமுக எம்பி ஆ.ராசா, திமுக இனி எந்தக் கூட்டணியும் இல்லாமல் தனித்துப் போட்டியிட வேண்டும் என்றும், கட்சியின் கொள்கைகளையும் அடையாளத்தையும் பாதுகாக்க கூட்டணி தேவையில்லை என்றும், இதுகுறித்து தலைவர் ஸ்டாலின் அறிவிப்பு வெளியிட வேண்டும் என்றும் வலியுறுத்தியிருந்தார்.

திருமாவளவன் பதில்

ஆ.ராசாவின் கருத்து குறித்து செய்தியாளர்கள் எழுப்பிய கேள்விக்கு பதிலளித்த திருமாவளவன், திமுக கூட்டணி இல்லாமல் மீண்டும் ஆட்சிக்கு வர முடியுமா என்பது குறித்து தனக்கு உறுதியாக தெரியாது என்றார். அவர்கள் தனித்துப் போட்டியிட விரும்பினால் அது அக்கட்சியின் உள்கட்சி முடிவு; அதில் தாங்கள் தலையிட முடியாது என்றும் அவர் தெரிவித்தார்.

கூட்டணி இல்லாமல் வெற்றி கடினம்

மேலும், கடந்த தேர்தலில் கூட்டணி கட்சிகளின் ஆதரவோடு திமுக பல தொகுதிகளில் வெற்றி பெற்றதாகக் குறிப்பிட்ட திருமாவளவன், எதிர்காலத்திலும் கூட்டணி இல்லாமல் திமுக ஆட்சியை தக்கவைத்துக்கொள்வது நிச்சயமாக சவாலான ஒன்றாக இருக்கும் என்று கருத்து தெரிவித்தார்.

இதையும் படிங்க: தவெக அரசுடன் முழுமையான கூட்டணி அல்ல.... அமைச்சரவையிலிருந்து விசிக விலக தயார்....? காலையிலேயே முதல்வர் விஜய்கு அதிர்ச்சி..!!!