வெடித்தது சர்ச்சை.... வாக்குச்சாவடியில் அஜித் அந்த வார்த்தை சொன்னாரா? தீயாய் பரவும் தகவல்! உண்மையை புட்டு புட்டு வைத்த மேலாளர் சுரேஷ் சந்திரா!!!

தமிழக சட்டப்பேரவைத் தேர்தல் வாக்குப்பதிவு இன்று (ஏப்ரல் 23) தொடங்கிய நிலையில், நடிகர் அஜித் குமார் அதிகாலையிலேயே வந்து தனது வாக்கினைப் பதிவு செய்தார். சென்னை பகுதியில் அமைந்திருந்த வாக்குச்சாவடியில் அவர் அமைதியாக வாக்களித்து வெளியேறினார். ஆனால், இதற்குப் பிறகு சமூக வலைதளங்களில் பரவிய தகவல் பெரிய சர்ச்சையை கிளப்பியது.

வாக்குச்சாவடியில் மௌனமாக சென்ற அஜித்

அஜித் வாக்களிக்க வந்தபோது, அங்கு திரண்டிருந்த ஊடகவியலாளர்கள் அவரிடம் பல கேள்விகளை எழுப்பினர். அரசியல் நிலைமை, ஆட்சி மாற்றம் போன்ற கேள்விகளும் எழுந்தன. இருப்பினும், எதற்கும் பதிலளிக்காமல் அவர் மௌனமாகவே அங்கிருந்து சென்றார். வழக்கமாக போலவே எந்த கருத்தையும் வெளியிடாமல் இருந்தது குறிப்பிடத்தக்கது.

சமூக வலைதளங்களில் பரவிய No Need சர்ச்சை

இதற்கிடையில், “ஆட்சி மாற்றம் வேண்டுமா?” என்ற கேள்விக்கு அஜித் ‘No Need’ என்று பதிலளித்ததாக சமூக வலைதளங்களில் தகவல் வேகமாக பரவியது. இந்த தகவல் சில மணி நேரங்களில் வைரலாகி, ரசிகர்கள் மற்றும் அரசியல் வட்டாரங்களிலும் விவாதத்தை ஏற்படுத்தியது. எந்த ஆதாரமும் இல்லாத இந்த தகவல் பரபரப்பை அதிகரித்தது.

இதையும் படிங்க: திடீர் ட்விஸ்ட்...கூட்டணி குறித்து தவெக தரப்பின் அதிகாரப்பூர்வ அறிவிப்பு! சூடு பிடிக்கும் அரசியல் கலம்!!!

மேலாளர் விளக்கம்: அஜித் குமார் எந்த கருத்தும் சொல்லவில்லை

சர்ச்சை தீவிரமடைந்ததைத் தொடர்ந்து, அஜித்தின் மேலாளர் சுரேஷ் சந்திரா உடனடியாக விளக்கம் அளித்தார். “அஜித் குமார் எந்த அரசியல் கருத்தையும் கூறவில்லை. அவர் வழக்கம்போல் மௌனமாகவே சென்றார். சமூக வலைதளங்களில் பரவும் தகவல்கள் முற்றிலும் தவறானவை” என்று அவர் தெரிவித்தார். இதனால், பரவி வந்த வதந்திகளுக்கு தற்போது முற்றுப்புள்ளி வைக்கப்பட்டுள்ளது.

இதையும் படிங்க: BREAKING: பாஜகவில் இருந்து சரத்குமார் விலகலா? திடீர் விளக்கம் அளித்து முற்றுப்புள்ளி வைத்த சரத்குமார்! அரசியல் ஆலோசனை கூட்டத்தை குறித்தும் அதிரடி பதில்!!!