அதிமுக-வில் அடுத்த விக்கெட் காலி.... தவெக-வில் இணைந்த அதிமுகவின் முக்கிய புள்ளி...! அதிர்ச்சியில் அதிமுக வட்டாரம்..!!!

அதிமுக முன்னாள் வடசென்னை மாவட்டச் செயலாளரான ஆர்.எஸ். ராஜேஷ், அக்கட்சியில் இருந்து விலகி தமிழக வெற்றிக் கழகம் கட்சியில் அதிகாரப்பூர்வமாக இணைந்துள்ளார். சென்னை அரசியல் வட்டாரத்தில் கவனம் பெற்றுள்ள இந்த நகர்வு, சட்டப்பேரவைத் தேர்தலுக்குப் பிந்தைய முக்கிய அரசியல் மாற்றங்களில் ஒன்றாகப் பார்க்கப்படுகிறது.

தவெக நிர்வாகிகள் முன்னிலையில் இணைப்பு

நடந்து முடிந்த சட்டப்பேரவைத் தேர்தலில் சென்னை ஆர்.கே.நகர் தொகுதியில் அதிமுக சார்பில் போட்டியிட்ட ஆர்.எஸ். ராஜேஷ், தவெக நிர்வாகிகளான என். ஆனந்த் மற்றும் ஆதவ் அர்ஜுனா முன்னிலையில் பொன்னாடை அணிவித்து கட்சியில் வரவேற்கப்பட்டார். இந்த இணைப்பு தொடர்பான புகைப்படங்கள் வெளியாகியதைத் தொடர்ந்து அரசியல் வட்டாரங்களில் பரபரப்பு ஏற்பட்டுள்ளது.

இதையும் படிங்க: BREAKING: 29 பேர்க்கு அதிரடி பணி நியமனம்! புதிய பொறுப்புகளில் மூத்த தலைவர்கள்..... முதல்வர் விஜய் தூக்கிக்கொடுத்த முக்கிய பொறுப்பு!!!

கட்சி மாற்றத்திற்கான காரணம்

கட்சியில் இணைந்த பிறகு செய்தியாளர்களிடம் பேசிய அவர், தமிழகத்தில் லஞ்சம் மற்றும் ஊழலற்ற ஆட்சி அமைய வேண்டும் என்ற நோக்கத்துடனும், அரசியலில் பெரிய மாற்றத்தை உருவாக்கும் எண்ணத்துடனும் தவெகவில் இணைந்ததாகக் கூறினார். மேலும், முந்தைய கட்சியில் மாவட்ட நிர்வாகிகள் தங்களது கருத்தைக் கேட்காமல் நியமிக்கப்பட்டதால் உரிய அங்கீகாரம் கிடைக்கவில்லை என்றும் தெரிவித்தார்.

மக்கள் நலப் பணியில் தீவிரம் காட்டுவோம்

வரும் காலங்களில் தவெக சார்பில் முழு அர்ப்பணிப்புடன் செயல்பட்டு, மக்கள் நலப் பணிகளை மேலும் தீவிரப்படுத்துவோம் என்று ஆர்.எஸ். ராஜேஷ் உறுதியளித்தார். அவரது இந்த அரசியல் முடிவு, வடசென்னை அரசியல் களத்தில் புதிய விவாதத்தை ஏற்படுத்தியுள்ளது.

இதையும் படிங்க: திடீர் திருப்பம்! 15 வருட பணி... கருணாஸுக்கு அதிர்ச்சி கொடுத்த முக்கிய புள்ளி..! தவெக வின் கோட்டையாக மாறிய புதுக்கோட்டை...!!!