கால்சியம் சத்து நிறைந்துள்ள கேழ்வரகு லட்டு.. வீட்டிலேயே 10 நிமிடத்தில் செய்வது எப்படி?..!!

கேழ்வரகில் அதிகளவு கால்சியம் நிறைந்துள்ளது. இதனால் உடல் எடையை குறைக்க உதவுகிறது. அத்துடன் கேழ்வரகு சாப்பிடுவதால் பற்கள் மற்றும் எலும்புகள் வலுப்பெறும்.

தேவையான பொருட்கள் :

நெய் - 2 தேக்கரண்டி 
கருப்பு எள் - 1 தேக்கரண்டி 
திராட்சை - 1 தேக்கரண்டி 
ஏலக்காய் தூள் - 1 சிட்டிகை 
முந்திரி - 1 தேக்கரண்டி 
வெல்லம் - 1 கப் 
கேழ்வரகு மாவு - 1 கப் 
சுக்குத்தூள் - 1 சிட்டிகை

செய்முறை :

★முதலில் வெல்லத்தை சிறிதளவு தண்ணீரில் சேர்த்து கொதிக்க வைத்து வடிகட்ட வேண்டும்.

★பின் கருப்பு எள்ளை வெறும் கடாயில் போட்டு வாசனை வரும் வரை நன்கு வறுக்கவும்.

★அடுத்து நெய்யில் முந்திரி மற்றும் திராட்சையை வறுத்து வைக்க வேண்டும்.

★இறுதியாக கேழ்வரகு மாவை இளஞ்சூடாக வாசனை வரும் வரை வறுத்து, சூடாக இருக்கும் போதே வெல்லம், நெய்யில் வறுத்த முந்திரி, திராட்சை ஏலக்காய் தூள், சுக்குத்தூள் ஆகியவற்றை சேர்த்து நன்கு கலந்து உருண்டைகளாக உருட்ட வேண்டும்.

★அவ்வளவுதான் சுண்ணாம்பு, இரும்பு, புரதம் நிறைந்த கேழ்வரகு லட்டு தயாராகிவிடும்.