ஃபிரிட்ஜ் ஃப்ரீசரில் ஐஸ்கட்டிகள் மலைபோல் உறைந்துள்ளதா..? இனி உறைவதை தடுக்க 6 சூப்பர் டிப்ஸ் இதோ...

கோடைக்காலம் என்றாலே குளிர்சாதனப் பெட்டியின் முக்கியத்துவம் ஏற்றுக்கொள்ளத்தக்கது. குளிர்ந்த தண்ணீர், கெடாமல் பாதுகாக்கப்படும் உணவுப் பொருட்கள் என, ஒவ்வொரு வீட்டிலும் ஃபிரிட்ஜ் இன்றியமையாததாக மாறிவிட்டது. ஆனால், இந்த அத்தியாவசிய சாதனத்தில் ஒரு பொதுவான பிரச்சனை தொடர்ச்சியாகத் தோன்றுகிறது – அதாவது, அடர்த்தியான பனிக்கட்டி உறைதல்.

பனிக்கட்டி ஏற்படும் போது என்ன விளைவுகள்?

சிறியதாகத் தோன்றும் இந்தப் பிரச்சனை, ஃபிரிட்ஜின் செயல்திறனைக் குறைப்பதோடு மட்டுமல்லாமல், கதவு சரியாக மூடப்படுவதிலும் பாதிப்பை ஏற்படுத்துகிறது. இது மின்சாரம் அதிகம் செலவடிக்கவும், உங்களது சாதனத்தின் ஆயுள் குறைவதற்கும் வழிவகுக்கும்

முக்கியக் காரணங்கள்:

சிங்கிள் டோர் ஃபிரிட்ஜ்களில் பனி தானாக உரையும்  வசதி இல்லாததால், மேனுவலாக ஐஸ் நீக்க வேண்டும்.

கதவை அடிக்கடி திறக்கும்போது சூடான காற்று உள்ளே புகுந்து ஈரப்பதமாக மாறி பனியாக உறையும்.

ஃபிரிட்ஜ் கதவின் ரப்பர் சீல் (gasket) பழுதாகி இருந்தால் குளிர்ந்த காற்று வெளியேறி பனி உருவாகும்.

பனிக்கட்டியைத் தவிர்க்க பயன்படும் எளிய குறிப்புகள்:

1. கதவை அடிக்கடி திறக்க வேண்டாம்:

மீண்டும் மீண்டும் கதவு திறக்கப்படும்போது சூடான காற்று உள்ளே புகுந்து ஈரப்பதம் உருவாகிறது.

2. ரப்பர் சீலிங்கைச் சரிபார்க்கவும்:

கதவின் gasket பழுதாக இருந்தால் அதை மாற்றி வையுங்கள். அவ்வப்போது அதை சுத்தமாக வைத்திருங்கள்.

3. சூடான உணவுகளை உடனே வைக்க வேண்டாம்:

உணவுகள் வெதுவெதுப்பாக இருக்கும்போது வெளியே குளிரவைத்து, பின்னரே ஃபிரிட்ஜில் வையுங்கள்.

4. ஃபிரிட்ஜை ஓவர்லோட் செய்யாதீர்கள்:

அதிக பொருட்களை வைத்து காற்றோட்டம் தடையடைவதை தவிர்க்க வேண்டும்.

5. ஏற்கனவே உள்ள பனியை வாரத்திற்கு ஒரு முறை நீக்குங்கள்:

மேனுவல் ஐஸ் டிஃப்ராஸ்ட் செய்முறை அவசியம்.

6. தெர்மோஸ்டாட்டை சரியான வெப்பநிலையில் வைத்திருங்கள்:

3°C - 5°C இடையே வைத்தால் அதிக பனிக்கட்டிகள் உருவாக மாட்டாது.

இவை அனைத்தையும் பின்பற்றினால் என்ன நன்மை?

பனிக்கட்டி உருவாவதில்லை

மின் நுகர்வு குறையும்

சுத்தம் செய்ய நேரம் மிச்சப்படும்

ஃபிரிட்ஜின் ஆயுள் நீடிக்கும்

இதையும் படிங்க: முகத்தை அழகாக்கும் கண் கண்ணாடியை எப்படி தேர்வு செய்வது தெரியுமா? இதெல்லாம் பார்த்து தான் கண்ணுக்கு கண்ணாடி போடணுமாம்! இனி தெரிஞ்சுக்கோங்க....