பைக் ஓட்டும்போது ஒருபோதும் இந்த ஒரு தப்பை மட்டும் செய்யாதீங்க.... ஒரு கண நேரத்தில் நடந்த திக் திக் காட்சி!!!

Copy Link

மழையால் வழுக்கும் மலைச் சாலையில் பைக் ஓட்டிய இளைஞர் ஒருவர், ஒரு கண நேர கவனச்சிதறலால் பெரும் ஆபத்தை எதிர்கொண்ட வீடியோ சமூக வலைதளங்களில் வேகமாக பரவி வருகிறது. ஹெல்மெட்டில் பொருத்தப்பட்டிருந்த கேமராவில் பதிவான இந்த காட்சி, மலைச்சாலை பயணங்களில் எவ்வளவு எச்சரிக்கையாக இருக்க வேண்டும் என்பதை நினைவூட்டுகிறது.

ஒரு கண நேர அலட்சியம்... உயிருக்கு ஆபத்தான தருணம்

தகவலின்படி, மலைப்பகுதியில் தொடர்ந்து பெய்த மழையால் சாலை முழுவதும் ஈரமாகவும் வழுக்கும் நிலையிலும் இருந்தது. அப்போது பைக் ஓட்டிச் சென்ற இளைஞர், பின்னால் என்ன நடக்கிறது என்பதைப் பார்க்க ஒரு கணம் தலை திருப்பியுள்ளார். அந்தச் சிறிய இடைவெளியிலேயே வாகனத்தின் கட்டுப்பாடு கைவிட்டு, சாலையோர பள்ளத்தாக்கை நோக்கி பைக் சரியத் தொடங்கியது.

இதையும் படிங்க: துணி கடையில் கைவரிசையை காட்டிய பெண்! சரியான சமயத்தில் பின்னாலேயே இருந்து வீடியோ எடுத்த இளையர்! பகீர் வீடியோ!!!

சமயோசிதமாக செயல்பட்டு உயிர் தப்பிய ரைடர்

இதையடுத்து, பள்ளத்தாக்கில் விழும் தருணத்தில் இருந்த பைக்கை இளைஞர் சாமர்த்தியமாக கட்டுப்பாட்டுக்குள் கொண்டு வந்து, மீண்டும் சாலையின் நடுப்பகுதிக்குத் திருப்பினார். சில விநாடிகளில் நடந்த இந்த பரபரப்பான சம்பவம் முழுவதும் ஹெல்மெட் கேமராவில் தெளிவாக பதிவாகியுள்ளது.

சாலை பாதுகாப்பு குறித்து நெட்டிசன்கள் வலியுறுத்தல்

வைரலாகி வரும் இந்த Road Safety வீடியோவைப் பார்த்த பலரும், வாகனம் ஓட்டும்போது எந்த காரணத்திற்காகவும் கவனத்தைச் சிதறவிடக் கூடாது என்று கருத்து தெரிவித்து வருகின்றனர். குறிப்பாக மழைக்கால மலைப் பயணங்களில் வேகத்தைக் கட்டுப்படுத்தி, முழு கவனத்துடன் பயணிப்பதே விபத்துகளைத் தவிர்க்கும் முக்கிய வழி என்பதை இந்த காட்சி மீண்டும் உணர்த்தியுள்ளது.