கனமழை எச்சரிக்கை! மாணவர்களுக்கு விடுமுறை! தமிழக அரசு வெளியிட்ட உத்தரவு...

தமிழகத்தின் பல்வேறு மாவட்டங்களில் வடகிழக்கு பருவமழை தீவிரமாக தொடர்ந்து பெய்து வருகிறது. இதனால் பொதுமக்களும் குறிப்பாக பள்ளி மாணவர்களும் மிகுந்த எச்சரிக்கையுடன் இருக்க வேண்டிய நிலை உருவாகியுள்ளது.

புயல் உருவாகும் சாத்தியம்

மழைக்கு அடுத்து உருவாகும் காற்றழுத்த தாழ்வு மண்டலங்களால் இந்த மாத இறுதியில் புயல் உருவாக வாய்ப்பு இருப்பதாக வானிலை ஆய்வு மையம் எச்சரித்துள்ளது. அதன் தாக்கமாக இன்னும் பல நாட்கள் தமிழகத்தில் கனமழை நீடிக்க வாய்ப்பு உள்ளது என்று கூறப்பட்டுள்ளது.

மாணவர்களுக்கு அரசின் எச்சரிக்கை

மழைக்காலத்தை முன்னிட்டு பள்ளி விடுமுறை அறிவிக்கப்பட்டுள்ளதால், மாணவர்கள் வீட்டில் இருந்து பாதுகாப்பாக இருக்க வேண்டும் என அரசு அறிவுறுத்தியுள்ளது. குறிப்பாக ஏரி, குளம் போன்ற நீர்நிலைகள் அருகே செல்லுதல் அல்லது அங்கு குளிப்பது தவிர்க்கப்பட வேண்டும் என வலியுறுத்தப்பட்டுள்ளது.

இதையும் படிங்க: மாணவர்களுக்கு நாளை விடுமுறை! சென்னையில் பள்ளிகளுக்கு நாளை விடுமுறை! மேலும் இந்த 3 மாவட்டங்களுக்கு விடுமுறை அறிவிப்பு!

இந்நிலையில் நேற்று 17 மாவட்டங்களில் பள்ளிகளுக்கு விடுமுறை அறிவிக்கப்பட்டிருந்தது. இதனிடையே சென்னை, செங்கல்பட்டு, காஞ்சிபுரம், திருவண்ணாமலை, விழுப்புரம், நீலகிரி, கோவை, தென்காசி, நெல்லை, தூத்துக்குடி, ராணிப்பேட்டை மற்றும் கன்னியாகுமரி ஆகிய மாவட்டங்களில் இன்று காலையில் மழை தொடரும் என வானிலை ஆய்வு மையம் தெரிவித்துள்ளது.

இதனிடையே மழை காரணமாக தர்மபுரி மாவட்டத்தில் உள்ள பள்ளிகளுக்கு இன்று விடுமுறை அறிவிக்கப்பட்டுள்ள நிலையில் திருவள்ளூர் மாவட்டத்தில் இன்று பள்ளிகள் வழக்கம் போல இயங்கும் என மாவட்ட ஆட்சியர் அறிவித்துள்ளார்.

பெற்றோர்களுக்கும் பள்ளிகளுக்கும் வேண்டுகோள்

வெள்ள அபாயம் ஏற்படும் சூழ்நிலையில் மாணவர்கள் அந்தப் பகுதிகளுக்கு செல்லாதபடி பெற்றோர்கள் மற்றும் பள்ளி முதல்வர்கள் விழிப்புணர்வு ஏற்படுத்த வேண்டும் என அதிகாரிகள் அறிவுறுத்தியுள்ளனர்.

காலநிலை மேலும் மோசமடைந்திருக்கக்கூடிய இந்த நேரத்தில், மாணவர்களின் பாதுகாப்பை உறுதி செய்வதே முக்கிய முன்னுரிமையாக அரசு வலியுறுத்துகிறது.

இதையும் படிங்க: இரவில் அடுத்த 2 மணி நேரத்தில் வெளுக்கப்போகும் கனமழை! இந்த மாவட்டங்களுக்கு ஆரஞ்சு அலர்ட்....