காய போட்ட துணியை மாடியில் எடுக்க போன தாய்! கண்ணிமைக்கும் நொடியில் துடிதுடித்து பலியான தாய் மகன்.... இந்த விஷயத்தில் கொஞ்சம் உஷாரா இருங்கப்பா...!!!

சத்தீஸ்கர் மாநிலம் ராய்ப்பூரில் மாடியில் காயவைத்திருந்த துணிகளை எடுக்கச் சென்ற தாயும், அவரைக் காப்பாற்ற முயன்ற மகனும் மின்சாரம் தாக்கி உயிரிழந்தனர். டிக்கராபாரா காவல் நிலைய எல்லைக்குட்பட்ட பகுதியில் வெள்ளிக்கிழமை இந்த துயர சம்பவம் நடந்துள்ளது. ஒரே குடும்பத்தைச் சேர்ந்த இருவர் உயிரிழந்தது அப்பகுதியில் சோகத்தை ஏற்படுத்தியுள்ளது.

தாயை காப்பாற்ற முயன்ற மகனுக்கும் நேர்ந்த விபரீதம்

ராய்ப்பூரில் நர்சிங் படித்து வரும் மகளைப் பார்க்க 54 வயதான கல்யாணி பாய் யாதவ் தனது 23 வயது மகன் மதுசூதனுடன் வந்திருந்தார். இருவரும் வாடகை வீட்டில் தங்கியிருந்த நிலையில், சம்பவத்தன்று வீட்டின் மாடிக்குச் சென்றுள்ளனர்.

இதையும் படிங்க: வறுமையில் வாழ்ந்த முதியவர்! ஆனால் வீடு முழுக்கப் பண மூட்டைகள்.... எங்களுக்கு ஒரு ரூபா கூட வேணாம்! மசூதி வாசலில் பிச்சை எடுத்த முதியவர் இருக்கும் போது கோடீஸ்வரர்! கர்நாடகாவை அதிர வைத்த மர்மம்..!!!

அப்போது காயவைத்திருந்த துணிகளை எடுக்க முயன்ற கல்யாணி பாய், எதிர்பாராத விதமாக மின்சார தொடர்பில் சிக்கியதாக கூறப்படுகிறது. தாய் மின்சாரம் தாக்கப்பட்டதைப் பார்த்த மதுசூதன், அவரை மீட்க உடனடியாக ஓடிச் சென்றுள்ளார். ஆனால் தாயை காப்பாற்ற முயன்றபோதே அவரும் மின்சாரத்தின் பிடியில் சிக்கினார். இருவரும் சம்பவ இடத்திலேயே உயிரிழந்ததாக போலீசார் தெரிவித்துள்ளனர்.

மின்கசிவா? போலீசார் தீவிர விசாரணை

உயிரிழப்புக்கான காரணம் குறித்து டிக்கராபாரா போலீசார் விசாரணை நடத்தி வருகின்றனர். முதற்கட்ட தகவலின்படி, வீட்டில் இருந்த குளிரூட்டும் சாதனத்தில் ஏற்பட்ட மின்கசிவு காரணமாக இரும்புக் குழாய் மற்றும் பால்கனி பகுதியில் மின்சாரம் பாய்ந்திருக்கலாம் என சந்தேகிக்கப்படுகிறது.

துணிகளை உலர்த்துவதற்காக ஜன்னலில் பொருத்தப்பட்டிருந்த குளிரூட்டும் சாதனத்துக்கும் மாடியில் இருந்த கம்பிக்கும் இடையே உலோகக் குழாய் கட்டப்பட்டிருந்ததாக கூறப்படுகிறது. அந்தக் குழாய் வழியாக மின்சாரம் பாய்ந்திருக்க வாய்ப்புள்ளதாகவும் போலீசார் கருதுகின்றனர். மின்சாரம் தாக்கி உயிரிழப்பு ஏற்பட்டதற்கான சரியான காரணத்தை உறுதி செய்ய தொடர்ந்து விசாரணை நடைபெற்று வருகிறது.

பல்ராம்பூரில் லாரி மீது சரக்கு வாகனம் மோதி 3 பேர் பலி

இதற்கிடையே சத்தீஸ்கரின் பல்ராம்பூர் மாவட்டத்திலும் மற்றொரு சோகமான விபத்து நடந்துள்ளது. ராஜ்பூர்-குஸ்மி சாலையில் சேவாரி கிராமம் அருகே தொழிலாளர்கள் சென்ற சிறிய சரக்கு வாகனம் ஒன்று லாரியுடன் மோதியது.

வாகனத்தில் மொத்தம் 11 தொழிலாளர்கள் பயணம் செய்ததாக போலீசார் தெரிவித்தனர். மோதலில் 3 பேர் உயிரிழந்தனர். மேலும் 8 பேர் காயமடைந்த நிலையில், அவர்களில் 7 பேரின் நிலை கவலைக்கிடமாக இருப்பதாக கூறப்படுகிறது. அடுத்தடுத்து நடந்த சத்தீஸ்கர் விபத்துகள் அப்பகுதியில் பெரும் சோகத்தை ஏற்படுத்தியுள்ளன.

இதையும் படிங்க: தடுக்க வேண்டிய குடும்பமே இப்படி வேடிக்கை பாக்குது... பேயை விரட்ட பெண்ணை செய்த கொடுமை! நீயும் ஒரு பெண் தானே... பேயை விரட்டுறியா? வெளுத்துறியா? வைரலாகும் ஷாக் வீடியோ..!!!