ரூ.20,000 பணத்தை வாங்க அழுகிய நிலையில் தோண்டப்பட்ட சகோதரி சடலம்! பிணத்தை வைத்து விளம்பரமா? போட்டோ ஷூட் நடத்திய வங்கி அதிகாரிகள்! அதிர்ச்சி வீடியோ!!!

ஒடிசாவில் பழங்குடியின நபர் ஒருவர் தனது சகோதரியின் எலும்புக்கூட்டை சுமந்து வங்கிக்குச் சென்ற சம்பவம் நாடு முழுவதும் அதிர்ச்சியை ஏற்படுத்தியுள்ளது. வங்கி பணத்தை பெற முடியாமல் தவித்த அவர் எடுத்த இந்த கடைசி முயற்சி வீடியோவாக வெளியாகி பரபரப்பை கிளப்பியது. இதையடுத்து, வங்கி அதிகாரிகள் நடந்துகொண்ட விதமும் கடும் சர்ச்சையாகியுள்ளது.

வங்கி விதிகளால் சிக்கிய மனித வாழ்க்கை

ஏன்ஜர் மாவட்டம் டியனாலி கிராமத்தைச் சேர்ந்த ஜீது முண்டா, தனது சகோதரி கல்ரா முண்டா இறந்த பிறகு, அவரது வங்கி கணக்கில் இருந்த ரூ.20,000 பெற முயன்றார். ஆனால், ஒவ்வொரு முறையும் “கணக்கு வைத்திருப்பவரை நேரில் அழைத்து வாருங்கள்” என்ற காரணத்தால் அதிகாரிகள் அவரை திருப்பி அனுப்பினர். கல்வி அறிவில்லாத ஜீதுவுக்கு வாரிசு சான்றிதழ், நாமினி போன்ற நடைமுறைகள் குறித்து விளக்கம் அளிக்கப்படவில்லை என்பதும் பின்னர் தெரியவந்தது.

எலும்புக்கூட்டை சுமந்த துயரமான முடிவு

இதனால், வேறு வழியின்றி தனது சகோதரியின் கல்லறையை தோண்டி, எலும்புக்கூட்டை மூட்டையில் கட்டி சுமார் 3 கிலோமீட்டர் தூரம் சுமந்து வங்கிக்குச் சென்றார். வங்கி வராண்டாவில் அதை வைத்ததும் அங்கிருந்தவர்கள் பதறி ஓடினர். தகவலறிந்து வந்த போலீஸார் விசாரித்ததில், கல்ரா முண்டாவின் குடும்பத்தில் வேறு யாரும் உயிருடன் இல்லாததும், அந்த பணம் ஜீதுவின் வாழ்வாதாரத்திற்கு மிகவும் அவசியமானதும் தெரியவந்தது.

இதையும் படிங்க: திடீரென வீட்டிற்குள் புகுந்து பச்சிளம் குழந்தைக்குப் பாலியல் தொல்லை செய்த காமக்கொடூரன்! வாயோடு வாய் முத்தமிட்டு.... ஓட ஓட விரட்டியடித்த பெற்றோர்! பகீர் வீடியோ!!!

போலீஸ் தலையீடு, பின்னர் புதிய சர்ச்சை

போலீஸார் தலையிட்டதையடுத்து எலும்புக்கூடு மீண்டும் அடக்கம் செய்யப்பட்டது. இதன்பின், ஜீதுவுக்கு பணம் வழங்க நடவடிக்கை எடுக்கப்பட்டது. ஆனால், பணம் வழங்கும் தருணத்தில் அதிகாரிகள் அதை ஒரு போட்டோஷூட் போல மாற்றி, சடலத்தின் அருகில் நின்றபடி புகைப்படம் எடுத்த சம்பவம் கடும் எதிர்ப்பை ஏற்படுத்தியது.

மனிதநேயத்தை மறந்த இந்த செயல் சமூக வலைதளங்களில் கடும் கண்டனம் எழச் செய்துள்ளது. “உதவி செய்வது கடமை; அதை விளம்பரமாக்குவது ஏற்றுக்கொள்ள முடியாது” என பலரும் கருத்து தெரிவித்து வருகின்றனர். சம்பந்தப்பட்ட அதிகாரிகள் மீது நடவடிக்கை எடுக்க வேண்டும் என்ற கோரிக்கையும் வலுத்து வருகிறது.

After the video of a man carrying the decomposed body of his sister went viral, Bank officials organised a PHOTOSHOOT and handed over the money. pic.twitter.com/jdDS6nKGz1

— Dr Ranjan (@DocRGM_) April 29, 2026

இதையும் படிங்க: என்ன ஒரு மெத்தனம்! இப்படியா பன்றது... மூன்று நாட்களாக டிக்கெட் கொடுக்காமல் அலைக்கழிப்பு! பொறுமையிழந்த பயணி செய்த காரியம்.... அலறிய துடித்த பெண் ஊழியர்! வைரலாகும் வீடியோ..!!!