ஐயோ.. இப்படியா ஆகணும்! அண்ணனை அம்மாவோடு கூப்பிட போன தங்கை..!தாய் கண்முன்னே ஒன்றைரை வயது குழந்தை துடிதுடித்து பலி... வாகன ஓட்டுனரின் அலட்சியமா? பெரும் சோகம்..!!!

கர்நாடக மாநிலம் மைசூரு மாவட்டத்தில் பள்ளி வாகனம் மோதியதில் 1 வயது 7 மாத பெண் குழந்தை பரிதாபமாக உயிரிழந்தது. சாஸ்திரி பப்ளிக் பள்ளி வாகனத்தின் சக்கரத்தில் சிக்கிய லதிகா, சம்பவ இடத்திலேயே உயிரிழந்தார். குழந்தையின் தாய் கண்ணெதிரே நடந்த இந்த விபத்து அப்பகுதியில் சோகத்தை ஏற்படுத்தியுள்ளது.

பள்ளி முடிந்து வீடு திரும்பிய 4 வயது சிறுவன்

மைசூருவில் உள்ள சாஸ்திரி பப்ளிக் பள்ளியில் படிக்கும் 4 வயது சிறுவன், பள்ளி முடிந்ததும் வாகனம் மூலம் வீட்டுக்கு அழைத்து வரப்பட்டான். அவனை வாகனத்தில் இருந்து கீழே இறக்குவதற்காக தாய் அங்கு வந்திருந்தார். அப்போது அருகே 1 வயது 7 மாத லதிகா நின்றுகொண்டிருந்ததாக கூறப்படுகிறது.

இதையும் படிங்க: ஓயோ விடுதியில் அறை எண் 103 இல் சடலமாகக் கிடந்த இளம்பெண்..! விசாரணையில் வெளிவந்த அதிர்ச்சி தகவல்...! சிசிடிவி காட்சிகளை ஆய்வு செய்யும் போலீஸ்..!!!

வாகனம் நகர்ந்தபோது சக்கரத்தில் சிக்கிய குழந்தை

சிறுவனை இறக்கிவிட்ட பிறகு பள்ளி வாகனம் அங்கிருந்து முன்னோக்கி நகர்ந்துள்ளது. அப்போது எதிர்பாராத விதமாக அருகில் இருந்த லதிகா மீது வாகனம் ஏறியதாக கூறப்படுகிறது. ஓட்டுநரின் கவனக்குறைவால் வாகனம் நகர்ந்ததாக முதற்கட்ட தகவல்கள் தெரிவிக்கின்றன. சக்கரத்தில் சிக்கி பலத்த காயமடைந்த குழந்தை, சம்பவ இடத்திலேயே உயிரிழந்தது.

ஓட்டுநரிடம் போலீசார் தீவிர விசாரணை

தாயின் கண்முன்னே நடந்த விபத்து குறித்து தகவல் அறிந்த போலீசார் வழக்குப்பதிவு செய்துள்ளனர். பள்ளி வாகன ஓட்டுநரை பிடித்து விசாரணை நடத்தி வரும் அதிகாரிகள், விபத்து நடந்த விதம் மற்றும் ஓட்டுநரின் கவனக்குறைவு குறித்து விசாரித்து வருகின்றனர். மேலும், வாகனத்தின் பாதுகாப்பு நடைமுறைகள் உள்ளிட்ட அம்சங்களையும் போலீசார் ஆய்வு செய்து வருகின்றனர்.

இதையும் படிங்க: கண்ணே கலங்குது... நடுரோட்டில் பிஞ்சு குழந்தைகள் படும் அவஸ்தையை பாருங்க! பெத்தவுங்களே இப்படி பண்ணலாமா? நெட்டிசன்களை கொந்தளிக்க வைத்த வீடியோ..!!!