நல்ல வேலை, வசதியான வாழ்க்கை, ₹1.9 கோடி சம்பளம்.... மைக்ரோசாஃப்ட் வேலையை விட்டு 26 வயது இளைஞர் எடுத்த அதிர்ச்சி முடிவு! வாழ்க்கை தலைகீழா மாறிய கதை..!!! இதையும் தெரிஞ்சுக்கோங்க....!!!

மைக்ரோசாஃப்ட் நிறுவனத்தில் ஆண்டுக்கு சுமார் 1.9 கோடி ரூபாய் சம்பளம் பெற்ற வேலையை விட்டு, தனது கனவை நோக்கி வாழ்க்கையை முழுமையாக மாற்றிய இளைஞரின் அனுபவம் தற்போது கவனம் பெற்றுள்ளது. 26 வயதில் ஆஸ்திரேலியாவுக்குக் குடிபெயர்ந்த கிறிஸ்டியன் ஹார்ம்ஸ், சவால்கள் நிறைந்த பயணத்தையும் அதிலிருந்து கற்ற பாடங்களையும் வெளிப்படையாகப் பகிர்ந்துள்ளார்.

கனவுக்காக எடுத்த துணிச்சலான முடிவு

ஆண்டுக்கு கோடிக்கணக்கான சம்பளம், நிலையான வேலை, வசதியான வாழ்க்கை ஆகியவற்றை விட்டுவிட்டு மைக்ரோசாஃப்ட் நிறுவனத்தை விட்டு வெளியேறினார் கிறிஸ்டியன் ஹார்ம்ஸ். தொழிலதிபராக உருவாக வேண்டும், அதே நேரத்தில் கன்டென்ட் கிரியேட்டராகவும் வளர வேண்டும் என்ற இலக்குடன் அவர் ஆஸ்திரேலியாவுக்குச் சென்றார்.

ஆனால், புதிய வாழ்க்கை அவர் நினைத்தது போல எளிதாக அமையவில்லை. நல்ல வருமானம், சமூக அங்கீகாரம் உள்ளிட்ட பல விஷயங்களை இழந்ததால், சில நேரங்களில் எடுத்த முடிவு தவறாகிவிட்டதோ என்ற எண்ணமும் அவருக்குள் தோன்றியதாக கூறியுள்ளார். இருந்தாலும், தனது தேர்வுக்காக ஒருபோதும் வருந்தவில்லை என்றும் தெரிவித்துள்ளார்.

இதையும் படிங்க: அதிசயம் ஆனால் உண்மை! 24 நிமிடம் நின்று போன இதயம்! உடலை விட்டு பிரிந்த ஆன்மா.... மீண்டும் மறுபிறவி எடுத்து உயிர்த்தெழுந்த பெண் கூறிய பகீர் உண்மை !!!

தொடர்ச்சியான தோல்விகள்... கடைசி நேரத்தில் கிடைத்த வெற்றி

புதிய நாட்டில் தொழில்முனைவோர் பயணத்தை தொடங்கிய அவர், பல மாதங்கள் திட்டமிட்டும் எதிர்பார்த்த முன்னேற்றம் கிடைக்கவில்லை. வேலை வாய்ப்புகளைத் தேடுவதிலும், பல்வேறு பிராண்டுகளுடன் இணைந்து செயல்படுவதிலும் தொடர்ந்து சவால்களைச் சந்தித்தார்.

இதையடுத்து, சொந்த நாட்டுக்குத் திரும்புவதற்கு ஒரு வாரம் மட்டுமே இருந்த நிலையில், முதல் முறையாக ஆன்லைன் மூலம் வருமானம் ஈட்ட முடிந்தது. அந்த அனுபவம், அதிக நேரம் திட்டமிடுவதற்குப் பதிலாக செயல்படுவதில்தான் வெற்றியின் அடிப்படை இருப்பதை உணர்த்தியதாக அவர் கூறியுள்ளார்.

வெற்றியுடன் தோல்வியையும் பகிரும் முயற்சி

தற்போது சமூக வலைதளங்களில் வெற்றிக் கதைகளை மட்டும் பகிராமல், தனது தோல்விகள், போராட்டங்கள் மற்றும் உண்மையான அனுபவங்களையும் ஹார்ம்ஸ் வெளிப்படையாகப் பகிர்ந்து வருகிறார். தொழில்முனைவோரின் வாழ்க்கை வெளியே தெரியும் அளவுக்கு எளிதானது அல்ல என்பதையும், ஒவ்வொரு தோல்வியும் அடுத்த வெற்றிக்கான பாடமாக மாறும் என்பதையும் தனது பயணத்தின் மூலம் எடுத்துக்காட்டி வருகிறார்.

இதையும் படிங்க: ஆதங்கத்தின் வெளிப்பாடு! 4 வருஷமா வேலை செஞ்சிட்டு திடீர் முடிவு எடுத்த வேலைக்கார பெண்! காரணத்தை கேட்டு மனவேதனையை கொட்டின நபர்!!!