இறுதிசடங்கின் போது இறந்த கணவரின் உடலுக்கு முத்தமிட்ட மனைவி…! கண்கள் அவரை பார்க்க.... அடுத்த நொடியே நடந்த அதிர்ச்சி சம்பவம்! நெஞ்சை உலுக்கும் சோகம்...!!!

கேரள மாநிலம் கோட்டயம் மாவட்டம் பாலா அருகே, கணவரின் இறுதிச்சடங்கின்போது மனைவியும் திடீரென உயிரிழந்த சம்பவம் சோகத்தை ஏற்படுத்தியுள்ளது. 73 வயதான தொழிலதிபர் குரியன் ஜோசப் உடல்நலக் குறைவால் உயிரிழந்த நிலையில், அவரது மனைவி ஷெர்லியும் சில நொடிகளில் மயங்கி விழுந்து உயிரிழந்தார். கணவன் - மனைவி அடுத்தடுத்து உயிரிழந்தது உறவினர்களையும் அப்பகுதி மக்களையும் அதிர்ச்சியில் ஆழ்த்தியுள்ளது.

உடல்நலக் குறைவால் உயிரிழந்த கணவர்

கோட்டயம் மாவட்டம் பாலா அருகேயுள்ள புதன்பள்ளிக்குன்னு வாழையிலை பகுதியைச் சேர்ந்தவர் குரியன் ஜோசப். 73 வயதான இவர் தொழில் செய்து வந்தார். மனைவி ஷெர்லியுடன் வசித்து வந்த இவர்களுக்கு 3 மகள்கள் உள்ளனர். வயது மூப்பு மற்றும் உடல்நலக் குறைவு காரணமாக குரியன் ஜோசப் எதிர்பாராதவிதமாக உயிரிழந்தார்.

இதையும் படிங்க: ஐயோ... சாப்பிடும்போது இப்படியா நடக்குனும்! நொடியில் வெடிகுண்டு போல் வெடித்து பரவிய மினி கேஸ் கேனிஸ்டர்…! கதறித் துடிக்கும் குடும்பம்… பகீர் வீடியோ..!!!

இதையடுத்து, அவரது உடல் இறுதிச்சடங்குகளுக்காக பெட்டியில் வைக்கப்பட்டது. குடும்பத்தினர், உறவினர்கள் அஞ்சலி செலுத்திய பின்னர், உடலை தேவாலயத்திற்கு எடுத்துச் செல்வதற்கான ஏற்பாடுகள் நடைபெற்றன.

கணவருக்கு இறுதி முத்தம் கொடுத்த மனைவி

அப்போது கணவரின் உடலைப் பிரிந்து செல்ல முடியாமல் தவித்த ஷெர்லி, பெட்டியில் இருந்த அவரது உடலுக்கு கண்ணீருடன் இறுதி முத்தம் கொடுத்தார். கணவரை பார்த்தபடி இருந்த அவர், அடுத்த சில நொடிகளில் திடீரென மயங்கி கீழே விழுந்தார்.

சில நொடிகளில் மனைவியும் உயிரிழந்தார்

இதனால் அங்கிருந்தவர்கள் உடனடியாக ஷெர்லியை மீட்டு பரிசோதித்தனர். ஆனால், அவர் ஏற்கனவே உயிரிழந்துவிட்டது தெரியவந்தது. கணவரின் இறுதிச்சடங்கு நடைபெறவிருந்த நேரத்தில் மனைவியும் உயிரிழந்தது குடும்பத்தினருக்கு பெரும் அதிர்ச்சியாக அமைந்தது.

வாழ்க்கை முழுவதும் இணைந்து வாழ்ந்த தம்பதி, இறுதியிலும் அடுத்தடுத்து பிரிந்தது அப்பகுதி மக்களிடையே சோகத்தை ஏற்படுத்தியுள்ளது. கேரளா தம்பதி உயிரிழப்பு தொடர்பான தகவல் அப்பகுதியில் பரவிய நிலையில், உறவினர்கள் மற்றும் பொதுமக்கள் ஆழ்ந்த வருத்தம் தெரிவித்தனர்.

இதையும் படிங்க: ஐயோ... கடவுளே! நாட்டை காக்கும் வீரருக்கு இப்படி ஒரு சோகமா..? கணவனுக்கும் மனைவிக்கும், 2 குழந்தைகளுக்கும் ஒரே நேரத்தில் வந்த அழிவு! சொந்த ஊரில் இறுதிச் சடங்கு...!!!