மக்களே உஷார்... சுடுதண்ணீர் எடுக்கும்போது 26 வயது இளம் மனைவிக்கு நேர்ந்த பயங்கரம்...! தாயை இழந்து தவிக்கும் 1 வயது பிஞ்சு குழந்தை... பகீர் சம்பவம்!!!

தெலங்கானா மாநிலம் ஹைதராபாத் பாரத் நகரில், வாட்டர் ஹீட்டர் மூலம் தண்ணீரைச் சூடாக்கியபோது மின்சாரம் தாக்கி 26 வயது பெண் உயிரிழந்தார். ஒரு வயது ஆண் குழந்தைக்குத் தாயான ஆயிஷா சித்திக், வீட்டில் தண்ணீர் எடுக்க முயன்றபோது இந்த விபத்தில் சிக்கினார். இதுகுறித்து போரபண்டா போலீசார் வழக்குப் பதிவு செய்து விசாரணை நடத்தி வருகின்றனர்.

ஸ்டீல் குவளையில் தண்ணீர் எடுக்க முயன்றபோது விபத்து

பாரத் நகரில் உஸ்மான் என்பவருக்குச் சொந்தமான வீட்டில் ஆயிஷா சித்திக் வாடகைக்கு வசித்து வந்தார். அவர் வாட்டர் ஹீட்டர் மூலம் ஒரு வாளியில் தண்ணீரைச் சூடாக்கியுள்ளார். பின்னர், ஸ்டீல் குவளையைப் பயன்படுத்தி அந்தத் தண்ணீரை எடுக்க முயன்றபோது, மின்சாரம் தாக்கியதாகக் கூறப்படுகிறது. இதில் அவர் தூக்கி வீசப்பட்டு சம்பவ இடத்திலேயே உயிரிழந்தார்.

இதையும் படிங்க: 10 கிலோ தான் எடை... தூக்கு போடும் மாணவர்களுக்கு இனி மேஜிக் ஃபேன் தான்! காலேஜ் விடுதி அறையில் புதுவித டெக்னிக்..!!!

விபத்து நடந்த நேரத்தில் அவரது கணவர் அப்துல் ரவூப் வீட்டில் இல்லை. அவர் வெளியே சென்றுள்ளார்.

இரண்டு ஆண்டுகளுக்கு முன் திருமணம்; ஒரு வயதில் குழந்தை

ஆயிஷா சித்திக்கிற்குத் திருமணமாகி இரண்டு ஆண்டுகளே ஆன நிலையில், அவருக்கு ஒரு வயதில் ஆண் குழந்தை உள்ளது. இளம் வயதிலேயே அவர் உயிரிழந்தது குடும்பத்தினரிடையே பெரும் சோகத்தை ஏற்படுத்தியுள்ளது.

காந்தி அரசு மருத்துவமனைக்கு உடல் அனுப்பிவைப்பு

தகவல் அறிந்து வந்த போரபண்டா போலீசார், ஆயிஷாவின் உடலைக் கைப்பற்றி பிரேதப் பரிசோதனைக்காக காந்தி அரசு மருத்துவமனைக்கு அனுப்பி வைத்தனர். வாட்டர் ஹீட்டரில் ஏற்பட்ட மின்கசிவா அல்லது வேறு காரணமா என்பது உள்ளிட்ட விவரங்கள் குறித்து போலீசார் விசாரணை மேற்கொண்டு வருகின்றனர். வீட்டில் மின்சாரத்தில் இயங்கும் நீர் சூடாக்கும் கருவிகளைப் பயன்படுத்தும்போது பாதுகாப்பு வழிமுறைகளைப் பின்பற்ற வேண்டியதன் அவசியத்தையும் இந்த விபத்து உணர்த்துகிறது.

இதையும் படிங்க: இப்படியா ஆகணும்? டியூசனுக்குச் சென்ற 12 வயது சிறுமிக்கு நேர்ந்த பயங்கரம்! கதறும் குடும்பத்தினர்..!!!