கருவில் இருக்கும் போது நிச்சயிக்கப்படும் திருமணம்! வினோத சம்பவம்...

முன்னோர்களின் பழமொழிகளாகவே கருதப்பட்ட சில திருமண மரபுகள் இன்றும் நாட்டின் பல பகுதிகளில் நடைமுறையில் உள்ளன. தற்போது, ஹிமாச்சல பிரதேசத்தில் இடம்பெற்ற 'ஜோதிதாரா திருமணம்' நிகழ்வு இந்த உண்மையை மீண்டும் ஒருமுறை உறுதிசெய்கிறது.

ஒரே பெண்ணை இரு சகோதரர்கள் திருமணம் செய்த வைரல் நிகழ்வு

இந்தியாவின் ஹிமாச்சல பிரதேசத்தில், ஹாடி சமூகத்தை சேர்ந்த பிரதீப் மற்றும் கபீல் என்ற இரு சகோதரர்கள் ஒரே பெண்ணான சுனிதா சௌஹானை முறைப்படி திருமணம் செய்தனர். இந்த விவாகம் 'ஜோதிதாரா திருமணம்' என அழைக்கப்படுகிறது. இது ஹாடி சமூகத்தில் நீண்டகாலமாக நடைமுறையில் உள்ள ஒரு பழம்பெரும் சடங்கு.

சமூக ஒப்புதலுடன் நடைபெற்ற மரபு

கிராம மக்கள் முன்னிலையில் இசை நிகழ்ச்சிகள் மற்றும் கொண்டாட்டங்களுடன் இந்த திருமணம் நடைபெற்றது. மணப்பெண் மற்றும் மணமக்கள், இந்த முடிவை தாங்களாகவே எடுத்ததாகவும், எந்தவித அழுத்தமும் இல்லாமல் நடந்ததாகவும் தெரிவித்துள்ளனர்.

இதையும் படிங்க: பெண்களை மனைவியாக 15 நாட்கள் வாடகைக்கு விடும் நாடு எது தெரியுமா? என்ன காரணம் தெரியுமா?

ஜோதிதாரா திருமண மரபின் பின்னணி

இந்த சடங்கில், ஒரே குடும்பத்தை சேர்ந்த இரண்டு ஆண்கள் ஒரே பெண்ணை திருமணம் செய்து கொள்வது வழக்கம். இது, அந்த சமூகத்தில் பல நூற்றாண்டுகளாக ஒப்புக் கொண்டு அனுசரிக்கப்படும் மரபாகும். பெண்கள் ஒருவருக்கு மேற்பட்ட ஆண்களை திருமணம் செய்து கொள்ள அனுமதி உள்ளது எனவும் கூறப்படுகிறது.

ஹாடி சமூகத்தின் மற்ற திருமண மரபுகள்

• குழந்தை திருமணம்: தாயின் கருப்பையில் இருக்கும் போதே திருமணம் குறித்து தீர்மானிக்கப்படும். ஆனால் குழந்தை வளர்ந்து சம்மதம் தெரிவித்த பிறகே சடங்கு நடைபெறும்.
• ஜாஜ்டா திருமணம்: மணமகன் தரப்பினர் முன்மொழிந்து பெண் தரப்பின் ஒப்புதலுடன் சடங்குகள் நடைபெறும். மணமக்கள் சத்தியப் பிரமாணம் எடுக்கிறார்கள்.
• கிதையோ திருமணம்: திருமணமான பெண் ஒருவரை விட்டுவிட்டு வேறொருவரை திருமணம் செய்யும் மரபு.
• ஹார் திருமணம்: குடும்ப ஒப்புதல் இல்லாமல் பெண் ஒருவர் திருமணம் செய்யும் வழக்கம்.

சமூக வளர்ச்சிக்கும், கலாச்சார மரபுகளின் பராமரிப்பிற்கும் இடையே சமநிலை தேவைப்படுகிறது. ஹிமாச்சலத்தில் நடைபெற்ற இந்த வைரல் திருமணம், பழங்கால மரபுகள் இன்னும் சில சமூகங்களில் இன்று வரை பின்பற்றப்படுகின்றன என்பதற்கு ஒரு உதாரணமாக விளங்குகிறது.

இதையும் படிங்க: இனி பள்ளி மாணவிகள் கர்ப்பமானால் ரூ.1 லட்சம் ஊக்கத்தொகை கிடைக்கும்! அரசு அதிரடி அறிவிப்பு! எந்த நாட்டில் தெரியுமா?