காரில் செல்லும் போது தோழியிடம் சொன்ன ஒரே ஒரு வார்த்தை! அதை கேட்டு உபர் ஓட்டுநர் செய்த செயலை பாருங்க.... மும்பை பெண் வெளியிட்ட வீடியோ..!!

பெங்களூரில் ஒரு உபர் ஓட்டுநர் வெளிப்படுத்திய கருணை செயலால் மும்பையைச் சேர்ந்த பெண் பயணியின் பயணம் மறக்க முடியாத அனுபவமாக மாறியுள்ளது. சமூக ஊடகங்களில் இந்த சம்பவம் பரவலாக பகிரப்பட்டு பாராட்டுக்கள் குவிந்து வருகின்றன.

பசித்த பயணிக்கு டிரைவர் வாங்கித் தந்த சாண்ட்விச்

இந்தி பேசும் யோகிதா ரத்தோர் என்ற பெண் பயணி, பெங்களூரில் உபரில் பயணம் செய்யும்போது தன்னிடம் நடந்த அனுபவத்தை வீடியோவாக பதிவு செய்து இன்ஸ்டாகிராமில் பகிர்ந்துள்ளார். பயணத்தின் போது, “எனக்கு மிகவும் பசிக்கிறது. என் விமானம் அதிகாலை 2 மணிக்கு. விமான நிலையம் மிகத் தூரம்… நான் எப்போது சாப்பிடுவேன் என்று தெரியவில்லை” என்று தனது தோழியிடம் பேசிக் கொண்டிருக்கிறார்.

இதைக் கேட்ட உபர் ஓட்டுநர் எந்த தயக்கமும் இல்லாமல் வண்டியை ஓரமாக நிறுத்தி, அருகிலிருந்த கடைக்கு சென்று சாண்ட்விச் வாங்கி பயணிக்கு வழங்கியுள்ளார். தனது பசியை கவனித்து உணவு வாங்கித்தந்த ஓட்டுநரின் மனதாரமான செயல் யோகிதாவை ஆச்சரியப்பட வைத்தது.

சமூக ஊடகங்களில் வைரல்

வீடியோகை பகிர்ந்த யோகிதா, “பூக்கி பையா… அவர் உண்மையில் என் நாளையே மாற்றினார். இவ்வளவு அற்புதமான ஓட்டுநருக்கு நன்றி உபர் இந்தியா” என்று குறிப்பிட்டுள்ளார். இந்த பதிவை ஆயிரக்கணக்கானோர் பாராட்டி பகிர்ந்து வருகின்றனர்.

உணர்வுகளை பகிர்ந்த பயணி

“இன்று பெங்களூரில் என்னால் மறக்க முடியாத ஒரு அழகான விஷயம் நடந்தது,” என்று யோகிதா வீடியோவின் தலைப்பில் எழுதியுள்ளார். சாதாரணமான பயணத்தை ஒரு அன்பான தருணமாக மாற்றிய இந்த சம்பவம் மக்கள் மனதில் நல்லுணர்வு பரப்பியுள்ளது.

உபர் ஓட்டுநரின் மனிதாபிமான செயல் சமூக ஊடகங்களில் இன்னும் தொடர்ந்து பாராட்டுகளைப் பெறுகிறது. நகர வாழ்க்கையில் மனிதநேயத்துக்கு இன்னும் இடமுள்ளது என்பதற்கான ஒரு அழகான எடுத்துக்காட்டாக இந்த சம்பவம் திகழ்கிறது.

📍Bengaluru, Karnataka

A North Indian, hindi speaking woman was travelling in cab to Airport and telling her friend that she was very hungry.

A Kannada speaking cab driver stopped the cab, went out for few minutes and brought Sandwich for her.

Said- "what if my sister was… pic.twitter.com/IwBNj4nB3k

— Ankur Singh (@iAnkurSingh) November 22, 2025