டிவிலியர்ஸை முந்திய தல தோனி சமன் செய்த சின்ன தல ரெய்னா; ரசிகர்கள் உற்சாகம்.!

ஐபிஎல் சீசன் 12 மார்ச் 23 அன்று சென்னை சேப்பாக்கம் மைதானத்தில் தொடங்கியது. பரபரப்பான முதல் ஆட்டத்தில் சென்னை அணியும் பெங்களூர் அணியும் மோதின. இப்போட்டியில் சிஎஸ்கே 7 விக்கெட் வித்தியாசத்தில் வெற்றி பெற்றது. முதல் போட்டியில் வெற்றி பெற்றாலும் வெற்றிக்கான 71 ரன்களை 17.4 ஓவர்களில் தான் பெற்றது. இது கிரிக்கெட் ரசிகர்கள் மத்தியில் ஒரு சலிப்பை ஏற்படுத்தியது.

இந்நிலையில் இரண்டாவது போட்டியானது டெல்லி கேப்பிடல் அணிக்கு எதிராக அதன் சொந்த மண்ணில் நேற்று நடைபெற்றது. டெல்லியை தாக்குப்பிடிக்குமா சிஎஸ்கே என்ற அனைவரின் எதிர்பார்ப்புக்கும் முற்றுப் புள்ளி வைக்கும் விதமாக தனது அனுபவ பந்துவீச்சின் மூலமாக டெல்லி அணியை 147 ரன்களோடு கட்டுப்படுத்தியது.

அதன்பிறகு ஆடவந்த சிஎஸ்கே வீரர்கள் வழக்கமான ஆட்டத்தை விட ரசிகர்களை குஷிப்படுத்தும் விதமாகவே அதிரடியாகவே ரன்களை குவித்தனர். ஷேன் வாட்சன் 44 (26) சுரேஷ் ரெய்னா 30 (16) ரன்களில் ஆட்டமிழந்து வெளியேறினர். 

இறுதியாக அந்த அணி வெற்றி பெற 8 பந்தில் 8 ரன்கள் தேவை என்ற நிலையில் வழக்கம் போல கூலாக செயல்பட்ட கேப்டன் தோனி, சிக்சருக்கு அனுப்ப, அந்த அணியின் வெற்றி உறுதியானது. இதன் மூலம் ஐபிஎல்., அரங்கில் அதிக சிக்சர்கள் விளாசிய வீரர்கள் பட்டியலில் தோனி இரண்டாவது இடத்துக்கு முன்னேறினார்.

இதே போல இப்போட்டியில் ரெய்னாவும் ஒரு சிக்சர் விளாசினார். இதன் மூலம் அதிக சிக்சர்கள் விளாசிய வீரர்கள் பட்டியலில் இரண்டாவது இடத்தை டிவிலியர்ஸ் (186 சிக்சர்கள்) உடன் ரெய்னா பகிர்ந்து கொண்டார். 

ஐபிஎல்., அரங்கில் அதிக சிக்சர்கள் விளாசிய வீரர்கள் பட்டியல்: 
296 கிறிஸ் கெயில்
187 தோனி *
186 டிவிலியர்ஸ்/ ரெய்னா
184 ரோகித் சர்மா 
178 விராட் கோலி
163 டேவிட் வார்னர்.