வீட்டின் உள்ளே கதவை பூட்டி மாட்டிகொண்ட குழந்தை! கேஸ் அடுப்பில் குக்கர், கொதிக்கும் வெந்நீர்! 1 மணி நேரமாக தவித்த தாய்! திக் திக் நிமிடம்...

கோயம்புத்தூர் மாவட்டத்தின் ஆவாரம்பாளையம் பகுதியில் ஒரு பரபரப்பான சம்பவம் நடைபெற்றுள்ளது. வீட்டில் இருந்த நான்கு வயது சிறுவன் கதவை உள்ளே இருந்து பூட்டி விட்டதால், அவனை மீட்பது ஒரு பெரிய சவாலாக அமைந்தது.

குழந்தையின் அம்மா நதியா, தனது வீட்டில் சமையல் செய்யும் போது, கேஸ் அடுப்பில் அரிசிக்குக்கர் மற்றும் வெந்நீர் வைத்து, குப்பை கொட்டுவதற்காக வெளியே சென்றார். அந்த நேரத்தில், அவரது மகன் ஷ்யாம் கதவை உள்ளே இருந்து தாழ்ப்பாள் போட்டுவிட்டார்.

கதவை திறக்க முடியாமல் பரிதவித்த நதியா

நதியா திரும்ப வந்தபோது, கதவு உள்புறமாக பூட்டப்பட்டிருப்பதை உணர்ந்து, குழந்தையை கதவை திறக்க சொல்லியிருந்தாலும், அவனால் அதை செய்ய முடியவில்லை. அதற்கிடையே, குக்கர் விசில் அடிக்கத் தொடங்கியது. அதனால் பயந்துபோன நதியா, அருகில் இருந்த தூய்மை பணியாளர்களிடம் உதவி கேட்டார்.

இதையும் படிங்க: 10 வயது சிறுமியை தனியாக அழைத்து சென்ற அரசு பள்ளி ஹெட் மாஸ்டர்! மூக்கில் இருந்து வழிந்த ரத்தம்! தமிழகத்தில் நடந்த அதிர்ச்சி....

தூய்மை பணியாளர்களின் புத்திசாலித்தன செயல்கள்

சம்பவ இடத்துக்கு விரைந்த தூய்மை பணியாளர்கள், முதலில் ஜன்னல் வழியாக கேஸ் அடுப்பை அணைக்க முயற்சி செய்தனர். ஆனால் அது சாத்தியமாகவில்லை. குக்கர் வெடிக்கும் அபாயம் இருப்பதால், மிகுந்த கவனத்துடன் அடுப்பிலிருந்து குக்கரை இறக்கி வைத்தனர்.

அதற்குப் பிறகு, பாத்திரத்தில் தண்ணீர் வற்றாமல் இருக்க, ஒரு டியூப்பை ஜன்னல் வழியாக இணைத்து, தண்ணீரை கொஞ்சம் கொஞ்சமாக ஊற்றினர். இறுதியாக, கதவை உடைத்து சிறுவனை பாதுகாப்பாக மீட்டனர்.

இந்த முழு சம்பவம் சுமார் ஒரு மணி நேரம் நடந்தது. சிறுவன் பத்திரமாக மீட்கப்பட்டதை அறிந்த பொதுமக்கள், உயிரை பொருட்படுத்தாமல் செயல்பட்ட தூய்மை பணியாளர்களை பாராட்டி வருகின்றனர்.

இதையும் படிங்க: ஒன்றரை வயது குழந்தைக்கு சளி மருந்து வாங்கி கொடுத்த பெற்றோர்! அதிகாலை 4 மணிக்கு குழந்தைக்கு நடந்த அதிர்ச்சி சம்பவம்! துடிதுடித்து போன பெற்றோர்!