சினிமா

இரண்டாவது திருமணம் செய்துகொண்ட அறிந்தும் அறியாமலும் பட நாயகி! மாப்பிள்ளை இவர்தானா? வைரலாகும் புகைப்படம்!

Summary:

Actress samkesha got second maariage

தமிழ் சினிமாவில் ஆர்யா மற்றும் நவ்தீப் நடிப்பில் வெளிவந்த அறிந்தும் அறியாமலும் திரைப்படத்தில் நடித்ததன் மூலம் அறிமுகமானவர் நடிகை சமிக்ஷா. அதனைத் தொடர்ந்து அவர் மனதோடு மழைக்காலம், மெர்குரி பூக்கள், தீ நகர், முருகா, பஞ்சாமிர்தம் உள்ளிட்ட  பல படங்களில் நடித்துள்ளார். மேலும் அவர் தமிழ் மட்டுமின்றி தெலுங்கு, கன்னடம், பஞ்சாபி மொழி படங்களிலும் நடித்துள்ளார். 
மேலும் நடிகை சமிக்ஷா திரைப்படங்கள் மட்டுமின்றி ஹிந்தி தொலைக்காட்சி சீரியல்களிலும் நடித்துள்ளார். 

இந்நிலையில் ஏற்கனவே திருமணமாகி விவாகரத்தான அவருக்கு,  சிங்கப்பூரை சேர்ந்த தொழிலதிபரும், பாடகருமான சயீல் ஆஸ்வால் என்பவருடன் கடந்த 3ம் தேதி திருமணம் நடைபெற்றுள்ளது. சயீல் ஆஸ்வாலுக்கும் இது இரண்டாவது திருமணமாகும். அவருக்கு 17 வயதில் சொஹானா என்ற மகளும் 16 வயதில் ஷுவம் என்ற மகனும் உள்ளனர். மேலும் நடிகை சமிக்ஷாவிற்கும் 10 வயதில் அமிபிர் என்ற மகன் உள்ளார்.

இந்நிலையில் திருமணம் குறித்து சமிக்ஷா கூறுகையில், சிங்கப்பூரில் இருக்கும் குருத்வாரா ஒன்றில் எங்களின் திருமணம் மிக எளிமையாக நடைபெற்றது. கொரோனா வைரஸ் பிரச்சனையால் எங்கள் குடும்பத்தாரால் திருமணத்தில் கலந்து கொள்ள முடியவில்லை. அதனால் அவர்கள் ஆன்லைனில் திருமணத்தை பார்த்து வாழ்த்து கூறினார்கள். 

நான் திரைத்துறைக்கு குட்பை சொல்லிவிட்டேன். நான் திரைக்கதை எழுதுதல், இயக்கம், தயாரிப்பு ஆகியவற்றில் கவனம் செலுத்தப் போகிறேன். மேலும் எனது  மாமனாரின் தயாரிப்பு நிறுவனத்தையும் கவனித்து கொள்ளப்போகிறேன் என கூறியுள்ளார்.


Advertisement