BREAKING: இன்ப அதிர்ச்சி கொடுத்த தங்கம் விலை! 2 நாட்களில் ரூ.2,000 குறைவு! ஒரு சவரன் தங்கம் எவ்வளவு தெரியுமா?

சென்னையில் தங்கம் வாங்க திட்டமிட்டிருந்தவர்களுக்கு இன்று மகிழ்ச்சியான செய்தி வெளியாகியுள்ளது. கடந்த சில நாட்களாக உயர்ந்த நிலையில் நீடித்த ஆபரணத் தங்கத்தின் விலை, தொடர்ந்து இரண்டாவது நாளாக சரிவைக் கண்டுள்ளது. குறிப்பாக இன்று ஏற்பட்டுள்ள பெரிய அளவிலான விலை குறைவு நகை வாங்குவோரின் கவனத்தை ஈர்த்துள்ளது.

சவரனுக்கு ரூ.1,680 வரை சரிவு

கடந்த மூன்று நாட்களாக ஒரு கிராம் தங்கம் ரூ.13,600-க்கும், ஒரு சவரன் ரூ.1,08,800-க்கும் விற்பனை செய்யப்பட்டு வந்தது. இதையடுத்து நேற்று ஒரு கிராமுக்கு ரூ.40 மற்றும் சவரனுக்கு ரூ.320 குறைந்திருந்தது. அந்த சரிவு தொடர்ந்த நிலையில், இன்று மேலும் ஒரு கிராமுக்கு ரூ.210 குறைந்துள்ளது.

இதையும் படிங்க: இன்று திடீரென சரிந்த தங்கம் விலை! நகை வாங்க நல்ல நேரம் இதுதான்...வெள்ளி விலையும் குறைவு! மகிழ்ச்சியில் இல்லத்தரசிகள்..!!!

இதன் விளைவாக, சென்னையில் ஆபரணத் தங்கம் ஒரு கிராம் ரூ.13,350-க்கு விற்பனை செய்யப்படுகிறது. அதேபோல் ஒரு சவரன் தங்கத்தின் விலை ரூ.1,680 குறைந்து தற்போது ரூ.1,06,800 ஆக நிர்ணயிக்கப்பட்டுள்ளது.

இரண்டு நாட்களில் ரூ.2,000 குறைவு

கடந்த சில வாரங்களாக தொடர்ந்து உயர்ந்து வந்த தங்கத்தின் விலை, நேற்று மற்றும் இன்று ஆகிய இரு நாட்களில் மட்டும் கணிசமான சரிவை பதிவு செய்துள்ளது. மொத்தமாக ஒரு சவரனுக்கு ரூ.2,000 வரை குறைந்துள்ளதால், திருமணம் மற்றும் பிற விசேஷங்களுக்காக நகை வாங்க திட்டமிட்டிருந்தவர்கள் நிம்மதி அடைந்துள்ளனர்.

நகைப்பிரியர்கள் உற்சாகம்

தொடர்ச்சியான விலை உயர்வால் கவலையில் இருந்த பொதுமக்கள் மற்றும் நகைப்பிரியர்கள், தற்போதைய விலை குறைவை வரவேற்றுள்ளனர். தங்கம் விலை மேலும் குறையுமா அல்லது மீண்டும் உயருமா என்ற எதிர்பார்ப்புடன் சந்தை நிலவரத்தை பலரும் கவனித்து வருகின்றனர்.

இதையும் படிங்க: நிம்மதியில் நகை வாங்கும் திருமண வீட்டார்கள்! இன்றைய தங்கம் விலை நிலவரம் இதோ...!!!