எங்க போனாலும் விட்றதா இல்ல... இறைச்சிக்காக மின்னல் வேகத்தில் மரம் ஏறிய புலி! மிரள வைக்கும் வீடியோ..!!

சமூக வலைதளங்களில் வேகமாக பரவி வரும் ஒரு புலி வீடியோ பலரையும் ஆச்சரியத்தில் ஆழ்த்தியுள்ளது. பொதுவாக தரையில் இருந்து வேட்டையாடும் புலி, மரத்தின் உச்சிக்கே மின்னல் வேகத்தில் ஏறுவது போன்ற காட்சி இணையத்தில் பரபரப்பை ஏற்படுத்தியுள்ளது.

மரம் ஏறும் புலி – வைரலான காட்சி

பொதுவாக சிறுத்தைகள் மட்டுமே மரங்களில் லாவகமாக ஏறி வேட்டையாடும் திறன் கொண்டவை. புலிகள் பெரும்பாலும் தரையில் இருந்து தாக்குதல் நடத்துவதே வழக்கம். ஆனால் வெளியாகியுள்ள வீடியோவில், நபர் ஒருவர் கயிற்றில் இறைச்சித் துண்டை கட்டி புலிக்கு காட்டுகிறார். பசியுடன் இருந்த புலி அதனை நோக்கி வேகமாக ஓடிவர, அந்த இறைச்சியை மரத்தின் மேல் இழுக்கிறார். அதனைத் தொடர்ந்து புலி சற்றும் தயக்கமின்றி மின்னல் வேகத்தில் மரத்தின் உச்சிவரை ஏறிச் சென்று இறைச்சியைப் பிடித்து உண்கிறது. பின்னர் அமைதியாக கீழிறங்குகிறது.

இது உண்மையா? கிராபிக்ஸா?

இயற்கையில் புலிகள் மரம் ஏறுவது மிகவும் அரிதான சம்பவம் என்பதால், இந்த வைரல் வீடியோ உண்மையா அல்லது கிராபிக்ஸ் காட்சியா என்ற சந்தேகம் பலரிடமும் எழுந்தது. சமூக வலைதளங்களில் ஆயிரக்கணக்கான பார்வைகளும் லைக்குகளும் குவிந்துள்ள நிலையில், “புலிகளால் இவ்வளவு உயரம் ஏற முடியுமா?” என்ற கேள்வி பரவலாக எழுந்துள்ளது.

இதையும் படிங்க: ஐயோ... பார்க்கவே பயமா இருக்கே! மாயமந்திரங்கள் செய்யும் இடம்! பறவை போல மாறி பேசிய சூனியக்காரி! பீதியில் மக்கள்...! மர்ம வீடியோ!

சிட்னி உயிரியல் பூங்காவில் எடுக்கப்பட்ட காட்சி

இந்த சம்பவம் ஆஸ்திரேலியாவின் சிட்னி நகரில் உள்ள ஒரு உயிரியல் பூங்காவில் எடுக்கப்பட்டது என்பது பின்னர் தெரியவந்தது. புலி ஏறியது இயற்கையான மரம் அல்ல; மரம் போன்ற தோற்றத்தில் அமைக்கப்பட்ட செயற்கைக் கம்பம் ஆகும். புலிகளின் இயற்கை வேட்டை உணர்வை தூண்டவும், அவற்றின் உடல் வலிமையை மேம்படுத்தவும் பூங்கா நிர்வாகம் இத்தகைய பயிற்சிகளை வழங்கி வருகிறது.

பார்வையாளர்களுக்கு விலங்குகளின் திறன்களை நேரடியாக காட்டுவதோடு, அவற்றின் உடல் ஆரோக்கியத்தையும் சுறுசுறுப்பையும் பேணுவதற்காக இத்தகைய பயிற்சிகள் முக்கிய பங்கு வகிக்கின்றன என்று பூங்கா நிர்வாகம் விளக்கம் அளித்துள்ளது. சமூக வலைதளங்களில் பரவி வரும் இந்த காட்சி, வனவிலங்குகளின் திறனைப் பற்றிய புதிய விவாதத்தையும் உருவாக்கியுள்ளது.