தங்கம், வைரத்தை விட விலை அதிகம் உள்ள விசித்திர உயிரினம்! ஒரு கிலோவின் விலை ரூ.20 லட்சம்... இமயமலையின் அரிய புழு.! உயிரையே பனையம் வைத்து மலையேறும் குடும்பங்கள்..!!!

தங்கம், வைரம் போன்ற விலைமதிப்புள்ள பொருட்களையும் மிஞ்சும் அளவுக்கு மதிப்பு பெற்ற ஒரு விசித்திர உயிரினம் இமயமலைப் பகுதியில் கண்டறியப்பட்டுள்ளது. விஞ்ஞானிகள் 'கேட்டர்பில்லர் ஃபங்கஸ்' என அழைக்கும் யார்சாகும்பா, உலக சந்தையில் ஒரு கிலோவுக்கு சுமார் ரூ.20 லட்சம் வரை விலை பெறுவதால் பெரும் கவனம் ஈர்த்துள்ளது.

புழுவில் இருந்து உருவாகும் அதிசய உயிரினம்

இமயமலையின் 4,000 மீட்டருக்கும் அதிக உயரமுள்ள பனிப்பிரதேசங்களில் வாழும் ஒரு வகை அந்துப்பூச்சியின் லார்வாக்கள் மண்ணுக்குள் இருக்கும் நிலையில், ஒரு குறிப்பிட்ட பூஞ்சை அதன் உடலுக்குள் புகுகிறது. தகவலின்படி, அந்த பூஞ்சை புழுவின் உயிர்ச்சத்தை உறிஞ்சி அதை அழித்துவிடுகிறது.

அதன்பின் கோடைகாலத்தில் பனி உருகும்போது, இறந்துபோன புழுவின் தலையிலிருந்து புல் போன்ற வடிவில் பூஞ்சை முளைத்து வெளிவருகிறது. மண்ணைத் தோண்டி எடுத்தால் கீழே புழுவும் மேலே பூஞ்சையும் இணைந்த நிலையில் காணப்படும் இந்த அரிய உயிரினமே யார்சாகும்பா எனப்படுகிறது.

இதையும் படிங்க: அதிர்ச்சி தகவல்! தங்கம் மற்றும் வெள்ளி விலை குறித்து ஆனந்த் சீனிவாசன் என்ன இப்படி சொல்லிட்டாரே....!!!

மருத்துவ உலகின் கவனத்தை ஈர்த்த காரணம்

சீன பாரம்பரிய மருத்துவத்தில் முக்கிய இடம் பெற்றுள்ள இந்த உயிரினத்திற்கு பல்வேறு மருத்துவ குணங்கள் இருப்பதாக நம்பப்படுகிறது. உடலுக்கு வலிமை அளிப்பதுடன், 'இமயமலை வயாகரா' என்ற பெயராலும் இது உலகளவில் அறியப்படுகிறது.

மேலும், புற்றுநோய் செல்களுக்கு எதிராக செயல்படுதல், சிறுநீரகம் மற்றும் நுரையீரல் தொடர்பான பிரச்சினைகளுக்கு உதவுதல் போன்ற பல நன்மைகள் இருப்பதாக கூறப்படுவதால் கேட்டர்பில்லர் ஃபங்கஸ் மீதான தேவை ஆண்டுதோறும் அதிகரித்து வருகிறது.

வாழ்வாதாரத்திற்காக மலையேறும் கிராம மக்கள்

மே மற்றும் ஜூன் மாதங்களில் நேபாளத்தின் டோல்பா, ருக்கும் உள்ளிட்ட மலைக்கிராமங்களில் பள்ளிகள் மற்றும் வீடுகள் கூட தற்காலிகமாக மூடப்படுகின்றன. சிறுவர்கள் முதல் பெரியவர்கள் வரை பலர் பனியால் மூடப்பட்ட மலைப்பகுதிகளுக்குச் சென்று யார்சாகும்பாவை தேடும் பணியில் ஈடுபடுகின்றனர்.

கடுமையான குளிர், ஆக்சிஜன் பற்றாக்குறை, பனிச்சரிவு அபாயம் போன்ற சவால்கள் இருந்தபோதிலும், வறுமையில் வாழும் பல குடும்பங்களுக்கு இது முக்கிய வருமான ஆதாரமாக உள்ளது. மண்ணுக்குள் உயிரிழக்கும் ஒரு சிறிய புழு, உலக சந்தையில் கோடிக்கணக்கான ரூபாய் மதிப்பை உருவாக்கும் பொருளாதார வளமாக மாறியிருப்பது இயற்கையின் ஆச்சரியமான நிகழ்வுகளில் ஒன்றாக பார்க்கப்படுகிறது.

இதையும் படிங்க: அடுத்தடுத்த அதிர்ச்சி! சர்வதேச தடையை மீறி இஸ்ரேல் பயன்படுத்திய வெள்ளை பாஸ்பரஸ்....மனித உடலில் பட்டால் எலும்பு வரை ஊடுருவும்! மனித உரிமை அமைப்புகள் பகீர் குற்றச்சாட்டு!!!