அக்கா கதவை திற ரொம்ப பயமா இருக்கு! கதவை உடைத்து பார்த்தவர்களுக்கு பேரதிர்ச்சி.. கன்னியாகுமரியில் நடந்த பயங்கரம்!

கன்னியாகுமரியில் இளம் பெண்ணின் மர்ம மரணம் சமூகத்தை அதிர்ச்சியில் ஆழ்த்தியுள்ளது. வேலைதேடி வந்த இளம்பெண்ணின் திடீர் உயிரிழப்பு குறித்து பல்வேறு கோணங்களில் போலீசார் விசாரணை நடத்தி வருகின்றனர்.

வீட்டிற்குள் மர்மமாக உயிரிழந்த 21 வயது இளம் பெண்

நாகர்கோவில் அருகே பள்ளவிளை கங்காநகர் முதல் தெருவில் வசிக்கும் மிக்கேல் சேவியர் (48) என்பவரின் மகள் லிவினா (21), பி.எஸ்.சி. பட்டதாரி. பகுதி நேரமாக ஒரு அழகுநிலையத்தில் வேலை பார்த்து வந்த அவர், நிரந்தர வேலைக்கு முயற்சி செய்து வந்தார்.

இதையும் படிங்க: நண்பருடன் வெளியே சென்ற மகன்! 5 நாள் ஆகியும் வீட்டுக்கு வரவில்லை! தேடிய போலீசார்க்கு ஆற்றகரையில்.......தேனியில் நடந்த திடுக்கிடும் சம்பவம்!

அறைக்குள் சென்றதில் இருந்து வெளியே வராததால் எழுந்த சந்தேகம்

சம்பவத்தன்று, லிவினா மற்றும் அவரது சகோதரி ஷைனி மட்டும் வீட்டில் இருந்தனர். ஒரு அறைக்குள் சென்ற லிவினா நீண்ட நேரமாக வெளியே வராததால், ஷைனிக்கு சந்தேகம் ஏற்பட்டது. கதவைத் தட்டியும் திறக்காததால் அக்கம் பக்கத்தினரின் உதவியுடன் கதவை உடைத்துப் பார்த்தபோது, லிவினா தூக்கில் தொங்கிய நிலையில் காணப்பட்டார்.

மருத்துவமனைக்கு கொண்டு சென்றும் உயிரிழப்பு உறுதி

உடனடியாக ஆசாரிபள்ளம் அரசு மருத்துவமனைக்கு எடுத்துச் சென்ற நிலையில், மருத்துவர்கள் அவர் ஏற்கனவே உயிரிழந்துவிட்டதாக தெரிவித்தனர். போலீசார் உடலை கைப்பற்றி பிரேத பரிசோதனைக்காக அனுப்பினர்.

செல்போனில் சிம் கார்டில்லை – விசாரணை தீவிரம்

வீட்டில் எங்கும் குறிப்பு எதுவும் இல்லாத நிலையில், லிவினா பயன்படுத்திய செல்போனில் சிம் கார்டே இல்லாதது போலீசாருக்கு சந்தேகத்தை ஏற்படுத்தியுள்ளது. செல்போனில் இருந்து தகவல் ஏதேனும் கிடைக்குமா என தொழில்நுட்ப ஆய்வு நடைபெற்று வருகிறது.

தோழிகள், உறவினர்களிடம் விசாரணை

தற்கொலைக்கான காரணம் குறித்து லிவினாவின் தோழிகள், உறவினர்கள் உள்ளிட்டோரிடம் போலீசார் விசாரணை நடத்தி வருகின்றனர். லிவினாவின் தாய் சோபா (46) அளித்த புகாரின் பேரில் வழக்குப் பதிவு செய்யப்பட்டு தொடர்ந்து விசாரணை நடைபெறுகிறது.

பிரேத பரிசோதனை முடிந்த நிலையில், உடல் உறவினர்களிடம் ஒப்படைக்கப்பட்டது. இந்த துயரச் சம்பவம் அந்தப் பகுதியில் பெரும் அதிர்ச்சியை ஏற்படுத்தி, காரணம் குறித்து மக்கள் பல்வேறு கேள்விகளை எழுப்பி வருகின்றனர்.

இதையும் படிங்க: அதிர்ச்சி! விடுதியில் 19 வயது மருத்துவ மாணவி மர்மமான முறையில் மரணம்! தீவிர விசாரணையில் போலீஸ்.!