இனி தான் ஆட்டமே இருக்கு... சரக்கு விஷயத்தில் அண்டை மாநிலங்களுக்கு பறக்கும் அதிகாரிகள்..! முதல்வர் விஜய் போட்ட அதிரடி உத்தரவு!!!

தமிழக டாஸ்மாக் நிர்வாகத்தில் நிலவி வரும் முறைகேடுகள், வருவாய் இழப்பு மற்றும் போலி மதுபான புழக்கம் உள்ளிட்ட பிரச்சினைகளுக்கு தீர்வு காணும் நோக்கில் முக்கிய நடவடிக்கை எடுக்கப்பட்டுள்ளதாக கூறப்படுகிறது. இதன் ஒரு பகுதியாக, அண்டை மாநிலங்களில் பின்பற்றப்படும் நடைமுறைகளை ஆய்வு செய்ய அதிகாரிகளுக்கு டாஸ்மாக் தொடர்பான உத்தரவு வழங்கப்பட்டுள்ளதாக தகவல் வெளியாகியுள்ளது.

அண்டை மாநிலங்களின் நடைமுறைகள் ஆய்வு

கர்நாடகா, தெலங்கானா மற்றும் ஆந்திரப் பிரதேச மாநிலங்களில் செயல்பட்டு வரும் மதுவிலக்கு மற்றும் ஆயத்தீர்வைத் துறைகளின் நிர்வாக முறை, நவீன தொழில்நுட்ப பயன்பாடு மற்றும் வருவாய் மேலாண்மை அமைப்புகள் குறித்து நேரில் ஆய்வு மேற்கொள்ளுமாறு முதல்வர் விஜய் அதிகாரிகளுக்கு அறிவுறுத்தியுள்ளதாக கூறப்படுகிறது.

இதையும் படிங்க: மகிழ்ச்சி செய்தி! தமிழகத்தில் கடன் தள்ளுபடி..... முதல்வர் விஜய் கொடுத்த அதிரடி வாக்குறுதி.....!!!

அதிகாரிகள் குழு விரைவில் பயணம்

இதையடுத்து, தமிழகத்தின் உயர் அதிகாரிகள் அடங்கிய குழு விரைவில் அந்த மாநிலங்களுக்கு சென்று, அங்குள்ள செயல்பாடுகளை விரிவாக ஆய்வு செய்ய உள்ளதாக தகவல்கள் தெரிவிக்கின்றன. ஆய்வின் முடிவில், டாஸ்மாக் நிர்வாகத்தை மேம்படுத்துவதற்கான பரிந்துரைகளுடன் கூடிய அறிக்கை அரசிடம் சமர்ப்பிக்கப்பட உள்ளது.

வருவாய் மேலாண்மை மற்றும் வெளிப்படைத்தன்மைக்கு முக்கியத்துவம்

இந்த ஆய்வின் மூலம் சிறந்த நிர்வாக நடைமுறைகளை தமிழகத்தில் செயல்படுத்தவும், துறையின் வெளிப்படைத்தன்மையை அதிகரிக்கவும், முறைகேடுகளை கட்டுப்படுத்தவும் அரசு திட்டமிட்டுள்ளதாக கூறப்படுகிறது. ஆய்வறிக்கையின் அடிப்படையில் அடுத்தகட்ட நடவடிக்கைகள் எடுக்கப்படும் என எதிர்பார்க்கப்படுகிறது.

இதையும் படிங்க: வெயிலின் தாக்கத்தால் தமிழகத்தில் பள்ளிகள் திறப்பு ஒத்திவைப்பு..? வெளியான முக்கிய அறிவிப்பு..!!!