குஷியோ குஷி! ரேஷன் அட்டைதாரர்களுக்கு ரூ.3,000....தமிழக அரசு வெளியிட்ட முக்கிய அறிவிப்பு!

பொங்கல் பண்டிகையை மகிழ்ச்சியாக கொண்டாட அனைவருக்கும் உதவும் வகையில், தமிழக அரசு வழங்கும் பொங்கல் பரிசுத் தொகுப்பு திட்டம் மீண்டும் செயல்படுத்தப்பட்டுள்ளது. இதன் மூலம் இதுவரை பரிசு பெற முடியாத குடும்ப அட்டைதாரர்கள் பெரும் நிம்மதி அடைந்துள்ளனர்.

பொங்கல் பரிசுத் தொகுப்பில் என்னென்ன?

அனைத்து அரிசி குடும்ப அட்டைதாரர்களுக்கும் ஒரு கிலோ பச்சரிசி, ஒரு கிலோ சர்க்கரை, ஒரு முழு கரும்பு மற்றும் 3,000 ரூபாய் ரொக்கப் பணம் அடங்கிய பொங்கல் பரிசுத் தொகுப்பு வழங்கப்படுகிறது. இந்தத் திட்டத்தை முதல்வர் மு.க.ஸ்டாலின் தொடங்கி வைத்தார்.

90 சதவீதம் பேர் பெற்றுவிட்டனர்

இதுவரை சுமார் 90 சதவீத குடும்ப அட்டைதாரர்கள் இந்த பரிசை பெற்றுள்ளனர். இருப்பினும், பல்வேறு காரணங்களால் வாங்க முடியாதவர்களுக்கு இன்று (திங்கட்கிழமை) முதல் மீண்டும் விநியோகம் தொடங்கியுள்ளது.

இதையும் படிங்க: மக்களே... இன்றும் பொங்கல் பரிசுத்தொகுப்பு, ரூ. 3, 000 வாங்கிக்கொள்ளலாம்! கால அவகாசம் நீட்டிப்பு! உடனே கிளம்புங்க...!

யார் யார் பெறலாம்?

ரேஷன் கடைகளில் டோக்கன் முறையில் பரிசு பெற தவறியவர்கள், இன்று முதல் அந்தந்த நியாய விலை கடைகளுக்கு சென்று தங்களது பரிசை பெற்றுக்கொள்ளலாம். மேலும் இலங்கைத் தமிழர் மறுவாழ்வு முகாம்களில் வசிக்கும் குடும்பங்களும் இந்த வாய்ப்பைப் பயன்படுத்திக்கொள்ளலாம் என அரசு தெரிவித்துள்ளது.

அடுத்த அறிவிப்பு வரும் வரை தொடரும்

அடுத்த அரசு அறிவிப்பு வரும் வரை இந்த விநியோகம் தொடரும் என அறிவிக்கப்பட்டுள்ளது. இதனால் விடுபட்ட குடும்ப அட்டைதாரர்கள் தங்களது பரிசை அவசியம் பெற்றுக்கொள்ளலாம்.

இந்த நடவடிக்கையின் மூலம், தமிழகத்தில் பொங்கல் கொண்டாட்டங்கள் எந்த தடையுமின்றி முழுமையாக நடைபெறும் என எதிர்பார்க்கப்படுகிறது. அரசு மேற்கொண்ட இந்த முயற்சி பொதுமக்களிடையே பாராட்டைப் பெற்றுள்ளது.

இதையும் படிங்க: மகிழ்ச்சி செய்தி! பொங்கல் பரிசுதொகை 3, 000 இன்னும் வாங்கலையா..? நாளை முதல் வாங்கிக்கொள்ளலாம்! தமிழக அரசு வெளியிட்ட அதிரடி அறிவிப்பு!