10 வருஷ காதல்.... கணவன் போனில் காதல் மனைவி கண்ட அதிர்ச்சி! மாமியார் சொன்ன அந்த ஒரு வார்த்தை.... அடுத்த நொடியே நடந்த பயங்கரம்.!!!

சென்னை அருகே பெருங்களத்தூரில் காதலித்து திருமணம் செய்த இளம் பெண் ஒருவர் தூக்கிட்டு தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது. கணவரின் கள்ளத்தொடர்பும், அதுகுறித்து முறையிட்டபோது குடும்பத்தினர் காட்டிய அலட்சியமான அணுகுமுறையும் இந்த துயர சம்பவத்திற்கு காரணமாக கூறப்படுகிறது.

உயிரிழந்த பெண்ணுக்கு இரண்டு வயதில் பெண் குழந்தை உள்ள நிலையில், தற்போது அந்த குழந்தை தாயை இழந்து தவிக்கும் நிலை அப்பகுதி மக்களிடையே சோகத்தை ஏற்படுத்தியுள்ளது.

இதையும் படிங்க: வீட்டிலிருந்தே பார்க்கும் வேலை! ஆன்லைன் விளம்பரத்தில் ரூ.5 லட்சத்தை இழந்த இளம்பெண்! அடுத்து வீட்டில் குழந்தையின் அழுகுரல்! இறுதியில் நடந்த பயங்கரம்..!

10 ஆண்டு காதல்... 2 ஆண்டில் சிதறிய வாழ்க்கை

தகவலின்படி, ஐடி நிறுவனத்தில் பணியாற்றி வரும் கார்த்திக்ராஜாவும், செல்வி (பெயர் மாற்றப்பட்டுள்ளது) என்பவரும் சுமார் 10 ஆண்டுகளாக காதலித்து வந்துள்ளனர். பெற்றோரின் எதிர்ப்பையும் மீறி இரண்டு ஆண்டுகளுக்கு முன்பு திருமணம் செய்து கொண்ட இவர்களுக்கு இரண்டு வயதில் பெண் குழந்தை உள்ளது.

ஆரம்பத்தில் மகிழ்ச்சியாக சென்ற குடும்ப வாழ்க்கையில் பின்னர் பிரச்சினைகள் உருவாகியதாக கூறப்படுகிறது. கார்த்திக்ராஜாவுக்கு கஞ்சா பழக்கம் இருந்ததுடன், சமூக வலைதளங்கள் மூலம் பல பெண்களுடன் நெருங்கிப் பழகி வந்ததாகவும் தெரிகிறது.

செல்போனில் தெரிந்த ரகசியம்

ஒருநாள் கணவரின் செல்போனை பார்த்த செல்வி, அவர் திருமணமான மற்றொரு பெண்ணுடன் நெருங்கிய தொடர்பில் இருப்பதை அறிந்து அதிர்ச்சியடைந்துள்ளார். இதுகுறித்து மாமனார், மாமியாரிடம் அவர் முறையிட்டபோது, மகனை கண்டிக்காமல் “ஆண்கள் என்றால் அப்படித்தான் இருப்பார்கள்” என பேசியதாக கூறப்படுகிறது.

இதனால் மனமுடைந்த செல்வி, தனது நீண்டகால காதலையும் கணவர் மீதான உரிமையையும் சுட்டிக்காட்டி நியாயம் கேட்டுள்ளார். அப்போது ஏற்பட்ட வாக்குவாதத்தில், அந்த பெண்ணுக்காக கார்த்திக்ராஜா தனது மனைவியை அறைந்ததாக போலீஸ் விசாரணையில் தெரியவந்துள்ளது.

அதிர்ச்சியில் எடுத்த விபரீத முடிவு

“நீ வேண்டாம், அவள்தான் வேண்டும்” என்று கணவர் கூறியதாகவும், இந்த வார்த்தைகள் செல்வியை மிகுந்த மன உளைச்சலுக்கு தள்ளியதாகவும் கூறப்படுகிறது. அதன்பின், தனது இரண்டு வயது குழந்தையை ஹாலில் விட்டுவிட்டு அறைக்குள் சென்ற அவர் தூக்கிட்டு தற்கொலை செய்து கொண்டார்.

நீண்ட நேரமாக கதவு திறக்காததால் சந்தேகமடைந்த உறவினர்கள் கதவை உடைத்து உள்ளே சென்றபோது, செல்வி உயிரிழந்த நிலையில் கிடந்ததாக தகவல்கள் தெரிவிக்கின்றன.

இதையடுத்து, பீர்க்கன்காரணை போலீசார் வழக்குப்பதிவு செய்து கார்த்திக்ராஜாவை கைது செய்துள்ளனர். செல்வி எழுதி வைத்திருந்த கடிதங்களையும் போலீசார் கைப்பற்றியுள்ளனர். திருமணமாகி இரண்டு ஆண்டுகளே ஆனதால், தாம்பரம் கோட்டாட்சியர் விசாரணைக்கும் உத்தரவிடப்பட்டுள்ளது.

இதையும் படிங்க: ஒரு நொடி ஆத்திரத்தில் நொறுங்கிய குடும்பம்! தந்தையே எமனாக மாறிய அவலம்.....இறுதியில் நடந்த அதிர்ச்சி!!!