இரவில் சாலையோரம் கிடந்த சாக்கு மூட்டை! திறந்து பார்த்த பள்ளி மாணவிக்கு காத்திருந்த பேரதிர்ச்சி! மதுரையில் அரங்கேறிய சம்பவம்....

இன்றைய கால கட்டத்திலும் நேர்மையும் மனிதநேயமும் உயிரோடு இருப்பதை நிரூபிக்கும் வகையில் மதுரையில் ஒரு மாணவி கண்ணியமான செயலில் ஈடுபட்டு அனைவரின் பாராட்டையும் பெற்றுள்ளார். இந்த சம்பவம் சமூக வலைதளங்களிலும் விரைவாக பரவி வருகிறது.

சாலையோரத்தில் பணம் குவியல் கண்ட அதிர்ச்சி

மதுரை சிம்மக்கல் அருகே உள்ள வக்கீல் புது தெருவை சேர்ந்த செல்வகுமாரின் மகள் பொன் ரூபினி (17) மீனாட்சி மேல்நிலைப் பள்ளியில் 12ஆம் வகுப்பு படித்து வருகிறார். நேற்று இரவு பெரியம்மா செல்வராணியுடன் அருகில் உள்ள கடைக்கு நடந்து சென்றபோது சாலையில் இருந்த சாக்கு மூட்டையை கவனித்தனர். அதைத் திறந்து பார்த்தபோது அதில் 500 ரூபாய் நோட்டுகள் கட்டுக்கட்டாக இருந்தது.

இதையும் படிங்க: காதல் திருமணம்! வரதட்சணையாக சொந்த வீடு! கணவனுக்கு வேலை இல்லை! திடீரென பெண் செய்த அதிர்ச்சி செயல்! குமரியில் பரபரப்பு...

நேர்மையின் உதாரணமாக போலீசில் ஒப்படைப்பு

இதனால் அதிர்ச்சியடைந்த இருவரும் உடனடியாக போலீஸ் கட்டுப்பாட்டு அறைக்கு தகவல் தெரிவித்தனர். சம்பவ இடத்திற்கு விரைந்த போலீசார் அந்த பணத்தை கைப்பற்றி காவல் நிலையத்திற்கு கொண்டு சென்றனர். எண்ணிப்பார்த்ததில் மொத்தம் 17 லட்சம் 49 ஆயிரம் ரூபாய் இருந்தது என தெரியவந்துள்ளது.

இந்தப்பணம் யாருடையது என்பது குறித்து பல்வேறு கோணங்களில் விசாரணை நடைபெற்று வருகிறது. சிலர் பயத்தில் பெரிய தொகை பணத்தை சாலையில் எறிந்திருக்கலாம் என்ற சந்தேகம் எழுந்துள்ளது. என்னதான் இருந்தாலும், பணத்தை தன்னுடையதாக எடுத்துக்கொள்ளாமல் நேர்மையாக ஒப்படைத்த மாணவி ரூபினிக்கு போலீசார் பாராட்டு தெரிவித்துள்ளனர்.

இந்நிகழ்வு சமூகத்தில் நேர்மையை ஊக்குவிக்கும் விதமாக பலரின் மனங்களிலும் நம்பிக்கையை உருவாக்கியுள்ளது. இளம் தலைமுறைக்கு இது ஒரு சிறந்த முன்மாதிரியாக பாராட்டப்படுகிறது.

இதையும் படிங்க: இரவோடு இரவாக பிணத்தை.. தூக்கிச் சென்று விபரீதம்.! விரைந்த போலீஸ் அதிரடி நடவடிக்கை.!