ஒரே நாளில் ஒரே கிராமத்தில் 2 பெண்கள் உயிரிழப்பு! 19 வயது புதுப்பெண் வீட்டிலும், 45 வயது பெண் புளிய மரத்திலும் தொங்கிய உடல்! கிருஷ்ணகிரியை உலுக்கிய அதிர்ச்சி சம்பவம்!!!!

கிருஷ்ணகிரி மாவட்டம் வேப்பனப்பள்ளி அருகே ஒரே கிராமத்தில் 19 வயது இளம்பெண் உட்பட இரு பெண்கள் அடுத்தடுத்து தூக்கிட்டு உயிரிழந்த சம்பவம் பரபரப்பை ஏற்படுத்தியுள்ளது. செப்டம்பர் 25-ம் தேதி அலேகிருஷ்ணபுரத்தில் இந்த துயர சம்பவங்கள் நடந்துள்ளன. இரு பெண்களின் உயிரிழப்புக்கான காரணம் குறித்து போலீசார் தனித்தனியாக விசாரணை நடத்தி வருகின்றனர்.

வீட்டில் தனியாக இருந்த இளம்பெண்

அலேகிருஷ்ணபுரம் கிராமத்தைச் சேர்ந்த 19 வயதான கீர்த்தனாவுக்கு கடந்த ஓராண்டுக்கு முன்பு அவரது தாய்மாமன் கந்தராஜுடன் திருமணம் நடைபெற்றுள்ளது. கணவருடன் வசித்து வந்த கீர்த்தனா, சில நாட்களுக்கு முன்பு தனது தாய் வீட்டுக்கு வந்திருந்தார்.

இதையும் படிங்க: ஏழை சிருமிகளை குறிவைத்து சீரழித்த தொழிலதிபர்! 13 வயதிலே தொடங்கிய கொடுமை... இப்போ வயது 60...! பெண் உதவியாளரையும் விட்டுவைக்காத வீரமணி.. அடுக்கடுக்காக வெளிவரும் அதிர்ச்சி உண்மைகள்...!!!

செப்டம்பர் 25-ம் தேதி குடும்பத்தினர் வெளியே சென்றிருந்த நேரத்தில் கீர்த்தனா மட்டும் வீட்டில் இருந்துள்ளார். மாலையில் வேலை முடித்து பெற்றோர் வீட்டுக்குத் திரும்பியபோது, அவர் தூக்கில் தொங்கிய நிலையில் இருப்பதைக் கண்டு அதிர்ச்சியடைந்தனர். உடனடியாக வேப்பனப்பள்ளி போலீசாருக்கு தகவல் தெரிவிக்கப்பட்டது.

தகவலின்பேரில் அங்கு சென்ற போலீசார், கீர்த்தனாவின் உடலை மீட்டு பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். தொடர்ந்து அவரது உயிரிழப்புக்கான காரணம் குறித்து விசாரணை தொடங்கியது.

அதே நாளில் 45 வயது பெண்ணும் உயிரிழப்பு

கீர்த்தனாவின் உயிரிழப்பு தொடர்பான விசாரணை நடந்து கொண்டிருந்த நிலையில், அதே கிராமத்தைச் சேர்ந்த 45 வயதான முனியம்மாளும் உயிரிழந்தது தெரியவந்தது. கிராமத்தின் அருகே உள்ள புளிய மரத்தில் அவர் தூக்கிட்டு இறந்த நிலையில் கண்டெடுக்கப்பட்டார்.

ஒரே நாளில் அடுத்தடுத்து இரு பெண்கள் உயிரிழந்ததால் போலீசார் கூடுதல் கவனம் செலுத்தி விசாரணை மேற்கொண்டனர். முனியம்மாளின் உடலும் மீட்கப்பட்டு ஆம்புலன்ஸ் மூலம் கிருஷ்ணகிரி அரசு மருத்துவக் கல்லூரி மருத்துவமனைக்கு பிரேதப் பரிசோதனைக்காக அனுப்பி வைக்கப்பட்டது.

இரு சம்பவங்களுக்கும் தொடர்பு உள்ளதா?

கீர்த்தனாவுக்கு திருமணமாகி ஓராண்டு மட்டுமே நிறைவடைந்துள்ளதால், அவரது உயிரிழப்பு குறித்து வருவாய் கோட்டாட்சியர் விசாரணை நடத்தி வருகிறார். அதே நேரத்தில் முனியம்மாளின் உயிரிழப்புக்கான காரணம் என்ன என்பது குறித்தும் வேப்பனப்பள்ளி போலீசார் விசாரித்து வருகின்றனர்.

மேலும், ஒரே நாளில் ஒரே கிராமத்தில் நடந்த இரு பெண்களின் உயிரிழப்புகளுக்கும் ஏதேனும் தொடர்பு உள்ளதா என்ற கோணத்திலும் அதிகாரிகள் விசாரணை நடத்துகின்றனர். போலீஸ் விசாரணை மற்றும் பிரேதப் பரிசோதனை முடிவுகளுக்குப் பிறகே இரு சம்பவங்களின் பின்னணி குறித்து தெளிவான தகவல்கள் வெளியாகும் என எதிர்பார்க்கப்படுகிறது.

இதையும் படிங்க: மனைவியுடன் சண்டை போட்ட கணவன்! கோவிலுக்குப் போய்விட்டு வீட்டுக்கு வந்த மனைவி! கதவை உடைத்த மகனுக்கு காத்திருந்த பேரதிர்ச்சி.... நடந்தது என்ன..? தூத்துக்குடியில் அதிர்ச்சி..!!!