கைது செய்ய சென்ற போலீசைப் பார்த்ததும் பெண் செய்த அந்த காரியம்.! பதறிப்போய் ஓடிய ஊர் மக்கள்....கன்னியாகுமரியில் நடந்த பயங்கரம்..!!!

கன்னியாகுமரி மாவட்டத்தில் மோசடி வழக்கில் தொடர்புடையவரை கைது செய்யச் சென்ற போலீஸார் மீது வளர்ப்பு நாயை ஏவி தாக்குதல் நடத்திய சம்பவம் பரபரப்பை ஏற்படுத்தியுள்ளது. இந்த தாக்குதலில் சப்-இன்ஸ்பெக்டர் ஒருவர் காயமடைந்த நிலையில், தலைமறைவாக இருந்த தம்பதியினர் இருவரும் போலீஸாரால் கைது செய்யப்பட்டுள்ளனர்.

தோவாளை அருகே நடைபெற்ற இந்த சம்பவம், காவல் துறையினரிடமும் பொதுமக்களிடமும் அதிர்ச்சியை ஏற்படுத்தியுள்ளது. விசாரணையில் கைது செய்யப்பட்ட நபர் மீது ஏற்கனவே பல மாவட்டங்களில் மோசடி வழக்குகள் நிலுவையில் இருப்பதும் தெரியவந்துள்ளது.

இதையும் படிங்க: பெட்ரூமில் பிருந்தா தேவியுடன் கணவனை அந்தக்கோலத்தில் பார்த்த மனைவி! தலைக்கேறிய வெறியால் நடந்த தகராறு.... தோட்டத்தில் புதைக்கப்பட்ட பிணம்.. அடுத்தடுத்து நடந்த பயங்கரம்..!!!

பணமும் காரும் பெற்று ஏமாற்றியதாக புகார்

மேல நெய்யூரைச் சேர்ந்த ஜவுளி வியாபாரி கிரேட் பிரின்ஸ் ராஜ், தொழிலில் ஏற்பட்ட நஷ்டத்தால் சிரமத்தில் இருந்ததாக கூறப்படுகிறது. இதனை பயன்படுத்திக் கொண்ட அவரது உறவினர்களான கிருஷ்ணவேணி மற்றும் அவரது கணவர் நாகசுமன், குடும்பச் சொத்துகளை மீட்டுத் தருவதாக உறுதியளித்துள்ளனர்.

அதை நம்பிய பிரின்ஸ் ராஜ், தவணை முறையில் ரூ.5.93 லட்சம் பணத்தையும், ஒரு சொகுசு காரையும் வழங்கியதாக கூறப்படுகிறது. ஆனால் நீண்ட காலமாகியும் சொத்துகளை மீட்டுத் தராததுடன், பெற்ற பணம் மற்றும் காரையும் திருப்பிக் கொடுக்கவில்லை என ஆரல்வாய்மொழி காவல் நிலையத்தில் புகார் அளிக்கப்பட்டது.

கைது செய்யச் சென்ற போலீஸாருக்கு எதிர்ப்பு

புகாரின் பேரில் வழக்குப் பதிவு செய்த போலீஸார் முதற்கட்டமாக காரை பறிமுதல் செய்தனர். இதையடுத்து தலைமறைவாக இருந்த தம்பதியினர் தோவாளையில் உள்ள வீட்டில் தங்கியிருப்பதாக தகவல் கிடைத்தது.

இதன்பேரில் இன்ஸ்பெக்டர் பச்சைமால் தலைமையிலான தனிப்படை வீட்டுக்குள் சென்று நாகசுமனை கைது செய்ய முயன்றது. அப்போது கிருஷ்ணவேணி போலீஸாருக்கு எதிர்ப்பு தெரிவித்து வாக்குவாதத்தில் ஈடுபட்டதாக கூறப்படுகிறது.

நாயை ஏவி தாக்குதல்

ஒருகட்டத்தில் போலீஸாரை தடுக்க முயன்ற கிருஷ்ணவேணி, வீட்டில் இருந்த வளர்ப்பு நாயை அவிழ்த்து விட்டு போலீஸார் மீது ஏவியதாக விசாரணையில் தெரியவந்துள்ளது. உடனே பாய்ந்த நாய், சப்-இன்ஸ்பெக்டர் அனுஜனை கடித்ததில் அவர் காயமடைந்தார்.

இதனால் அப்பகுதியில் சிறிது நேரம் பரபரப்பு நிலவியது. பொதுமக்களும் சம்பவ இடத்தில் திரண்டனர்.

எனினும் தாக்குதலுக்கு மத்தியிலும் போலீஸார் நடவடிக்கையை தொடர்ந்தனர். மோசடி வழக்கு தொடர்பாக நாகசுமன் மற்றும் கிருஷ்ணவேணி ஆகிய இருவரையும் கைது செய்து காவல் நிலையத்திற்கு அழைத்துச் சென்றனர்.

தொடர்ந்து நடத்தப்பட்ட விசாரணையில், நாகசுமன் மீது மதுரை, ஊட்டி, நாங்குநேரி, மடத்துக்குளம் உள்ளிட்ட பல்வேறு பகுதிகளில் ஏற்கனவே மோசடி வழக்குகள் நிலுவையில் இருப்பது தெரியவந்துள்ளது. சம்பவம் தொடர்பாக போலீஸார் மேலதிக விசாரணை நடத்தி வருகின்றனர்.

இதையும் படிங்க: சொந்த பெரியப்பா மகனுடன் திருட்டுத்தனமாக உறவு! தகராறில் காதலனே கடைசியில் எமனாக மாறிய கொடூரம்.... சடலத்தை எரித்து பகீர் பின்னணி...!!!