BREAKING : டிவ்வா புயலின் தாக்கம்! இந்த மாவட்டத்தில் பள்ளி, கல்லூரிகளுக்கு நாளை (நவ.29) விடுமுறை! இந்த 3 மாவட்டங்களில் அறிவிப்பு குறித்து ஆலோசனை..!!!

வங்கக்கடலில் உருவான டிட்வா புயல் தமிழகத்தில் பல்வேறு பகுதிகளில் அவசர எச்சரிக்கை நிலையை உருவாக்கியுள்ளது. பாதுகாப்பை முன்னிட்டு அரசு மேற்கொள்ளும் நடவடிக்கைகள் கல்வி நிறுவனங்கள் மற்றும் பொதுமக்கள் மீது பெரிய தாக்கத்தை ஏற்படுத்தியுள்ளது.

கடலூர் மாவட்டத்தில் ஒரு நாள் விடுமுறை

டிட்வா புயலின் தாக்கம் அதிகரித்துள்ளதால், இந்திய வானிலை ஆய்வு மையம் (IMD) வெளியிட்ட ரெட் அலர்ட் எச்சரிக்கையைத் தொடர்ந்து, கடலூர் மாவட்டத்தில் உள்ள அனைத்து பள்ளி மற்றும் கல்லூரிகளுக்கும் நவம்பர் 29 சனிக்கிழமை ஒரு நாள் விடுமுறை அறிவிக்கப்பட்டுள்ளது. மாவட்ட நிர்வாகம் மாணவர் பாதுகாப்பை முன்னிட்டே இந்த முடிவை எடுத்துள்ளது.

இதையும் படிங்க: BREAKING: கனமழை எச்சரிக்கை! இந்த 5 மாவட்டங்களில் பள்ளிகளுக்கு இன்று விடுமுறை! வெளியான அறிவிப்பு..!

மூன்று மாவட்டங்களுக்கு ரெட் அலர்ட்

இதே புயல் தாக்கத்தின் காரணமாக மயிலாடுதுறை, செங்கல்பட்டு, விழுப்புரம் மாவட்டங்களிலும் நாளைக்கு ரெட் அலர்ட் அறிவிக்கப்பட்டுள்ளது. இதையடுத்து, அந்த மாவட்டங்களிலும் கல்வி நிறுவனங்களுக்கு விடுமுறை அறிவிப்பது குறித்து மாவட்ட ஆட்சியர்கள் ஆலோசனை நடத்தி வருகின்றனர்.

முன்னெச்சரிக்கை நடவடிக்கைகளுக்கு முதல்வர் உத்தரவு

கனமழை மற்றும் புயல் தாக்கத்தால் ஏற்படக்கூடிய பாதிப்புகளை சமாளிக்க தேவையான அனைத்துப் பாதுகாப்பு நடவடிக்கைகளையும் உடனடியாக மேற்கொள்ளுமாறு முதல்வர் மு.க. ஸ்டாலின் அனைத்து துறை அதிகாரிகளுக்கும் உத்தரவிட்டுள்ளார். மழை, காற்று மற்றும் வெள்ளப்பெருக்கு சூழ்நிலைகளை கருத்தில் கொண்டு மீட்பு அணிகள் தயார்மாக இருக்க வேண்டும் எனவும் அவர் வலியுறுத்தியுள்ளார்.

டிட்வா புயல் காரணமாக உருவான இவ்வாறான வானிலை எச்சரிக்கை நிலைமை, அடுத்த 24 மணி நேரத்தில் மாநிலத்தின் பல பகுதிகளில் மாற்றங்களை உருவாக்கும் வாய்ப்புள்ளது. மக்கள் விழிப்புடன் இருந்து அதிகாரிகள் வழங்கும் அறிவுறுத்தல்களை பின்பற்றுவது அவசியம்.

இதையும் படிங்க: கனமழை எச்சரிக்கை! தமிழகத்தில் ரெட் அலர்ட்.. 6 மாவட்டங்களுக்கு CM ஸ்டாலின் அவசர உத்தரவு.!!