இனி கால் கடுக்க ரேஷனில் நின்று காத்திருக்க வேண்டாம்....வெறும் 35 வினாடிகளில் 25 கிலோ முதல் 50 கிலோ வரை தானியம்! மத்திய அரசின் மாஸ் திட்டம் இதோ...!!!

பொது விநியோகத் திட்டத்தில் வெளிப்படைத்தன்மை மற்றும் நேரச் சேமிப்பை உறுதி செய்ய மத்திய அரசு புதிய மாற்றத்தை கொண்டு வந்துள்ளது. நீண்ட வரிசை, எடை குறைப்பு குற்றச்சாட்டு, குறிப்பிட்ட நேர வரம்பு போன்ற சிக்கல்களுக்கு முற்றுப்புள்ளி வைக்கும் வகையில் அன்னபூர்த்தி தானிய ஏடிஎம் திட்டம் அறிமுகமாகியுள்ளது. இது ரேஷன் விநியோக முறையில் ஒரு முக்கிய முன்னேற்றமாக பார்க்கப்படுகிறது.

24 மணி நேர தானிய விநியோகம்

‘Annapurthi’ எனப்படும் இந்த தானிய ஏடிஎம் இயந்திரம் 24 மணி நேரமும் செயல்படும் வகையில் வடிவமைக்கப்பட்டுள்ளது. வழக்கமாக ரேஷன் கடைகள் குறிப்பிட்ட நேரத்தில் மட்டுமே திறந்திருப்பதால், கூலித் தொழிலாளர்கள் மற்றும் அலுவலக ஊழியர்கள் பொருட்களைப் பெற சிரமப்பட்டனர். தற்போது இந்த வசதி மூலம், பயனாளர்கள் தங்களுக்கு வசதியான எந்த நேரத்திலும் தானியங்களைப் பெற்றுக்கொள்ளலாம். ஒரு நிமிடத்திற்கு 25 கிலோ முதல் 50 கிலோ வரை தானியங்களை வழங்கும் திறன் இந்த இயந்திரத்திற்கு உள்ளது.

பயோமெட்ரிக் சரிபார்ப்பு மற்றும் துல்லிய எடை

பயனாளர்கள் ரேஷன் கார்டு எண் அல்லது பயோமெட்ரிக் (கைரேகை) முறையை பயன்படுத்தி தங்களைச் சரிபார்த்துக்கொள்ள வேண்டும். இதன் மூலம் தகுதியானவர்களுக்கு மட்டுமே பொருட்கள் வழங்கப்படுவது உறுதி செய்யப்படுகிறது. 99.9 சதவீதம் துல்லியமான எடையை வழங்கும் திறன் கொண்ட இந்த இயந்திரம், எடை குறைப்பு தொடர்பான புகார்களுக்கு தீர்வாக இருக்கும். மேலும், சூரிய மின்சக்தி மூலம் இயங்கும் வகையில் உருவாக்கப்பட்டுள்ளதால், இது சுற்றுச்சூழலுக்கும் உகந்ததாகும்.

இதையும் படிங்க: இன்பச் செய்தி! இனி ரேஷன் பொருட்களுக்கு பதில் பணம்..! மத்திய அரசின் புதிய ரேஷன் மாற்றுத் திட்டம்!

நாடு முழுவதும் விரிவாக்கம்

முதற்கட்டமாக குஜராத் மாநிலம் காந்திநகரில் மத்திய உள்துறை அமைச்சர் அமித் ஷா தொடங்கி வைத்த இந்த திட்டம், விரைவில் நாடு முழுவதும் விரிவுபடுத்தப்படும் என அறிவிக்கப்பட்டுள்ளது. ஐக்கிய நாடுகள் சபையின் உலக உணவுத் திட்டம் மற்றும் இந்தியாவின் உணவுப் பாதுகாப்புத் துறை இணைந்து உருவாக்கியுள்ள இந்த முயற்சி, ரேஷன் விநியோகத்தில் ஊழல் மற்றும் முறைகேடுகளை குறைக்கும் என எதிர்பார்க்கப்படுகிறது.

மொத்தத்தில், ரேஷன் விநியோகம் முறையை டிஜிட்டல் மற்றும் வெளிப்படையான பாதைக்கு மாற்றும் இந்த அன்னபூர்த்தி தானிய ஏடிஎம் திட்டம், சாமானிய மக்களின் நேரத்தையும் உரிமையையும் பாதுகாக்கும் முக்கிய முன்னேற்றமாக திகழ்கிறது.

இதையும் படிங்க: ரேஷன் அட்டைதாரர்களுக்கு தமிழக அரசு வெளியிட்ட மகிழ்ச்சி செய்தி!!!