திமுக பிரமுகர் குணசேகரனை ஓட ஓட வெட்டி படுகொலை! சென்னையில் பரபரப்பு…..!

சென்னையின் அமைதியை கலங்கவைத்த அடையாறு கொலைச் சம்பவம் தற்போது மாநிலம் முழுவதும் பெரும் அதிர்ச்சியை ஏற்படுத்தியுள்ளது. வழக்கறிஞர் கவுதம் கொலை வழக்கில் தொடர்புடையதாக கைது செய்யப்பட்ட ரியல் எஸ்டேட் தொழிலதிபர் குணசேகரன் மீண்டும் தாக்குதலுக்கு உள்ளாகி உயிரிழந்தது சட்ட உலகையே அதிர்ச்சியடையச் செய்துள்ளது.

குணசேகரன் மீதான தாக்குதல்

திருவான்மையூரைச் சேர்ந்த வழக்கறிஞர் கவுதம் கடந்த ஆண்டு ஜூன் மாதத்தில் 6 பேர் கொண்ட கும்பலால் வெட்டிக் கொல்லப்பட்டார். அந்த வழக்கில் திமுக பிரமுகரும் ரியல் எஸ்டேட் தொழிலதிபருமான குணசேகரன் உட்பட ஆறு பேர் கைது செய்யப்பட்டனர். சிறையில் இருந்து சமீபத்தில் விடுவிக்கப்பட்ட குணசேகரன், நேற்று மாலை தனது நண்பர்களுடன் காரில் அடையாறு வழியாக பயணித்துக் கொண்டிருந்தார்.

அதிர்ச்சியூட்டிய அடையாறு சம்பவம்

பெட்ரோல் பங்க் அருகே சென்றபோது, பைக்கில் வந்த 6 பேர் கொண்ட கும்பல் அவரது காரை திடீரென நிறுத்தியது. அதிர்ச்சியடைந்த குணசேகரன் தப்பிக்க சாலையில் ஓடினார். ஆனால் அந்த கும்பல் அவரை பின்தொடர்ந்து அரிவாளால் சரமாரியாக வெட்டி தாக்கினர். முகம் முழுவதும் சிதைந்த நிலையில் அவர் சம்பவ இடத்திலேயே உயிரிழந்தார்.

இதையும் படிங்க: தலைநகரில் பயங்கரம்... ஒரே குடும்பத்தில் 3 பேர் கொலை.!! காவல்துறை விசாரணை.!!

போலீஸ் விசாரணை தீவிரம்

தகவலறிந்து விரைந்து வந்த அடையாறு போலீசார் அவரது உடலை மீட்டு பிரேத பரிசோதனைக்கு அனுப்பி வைத்தனர். இதுகுறித்து வழக்கு பதிவு செய்து விசாரணை மேற்கொண்டு வருகின்றனர். முதற்கட்ட விசாரணையில், பழிவாங்கும் நோக்கம் தான் இந்த கொலைக்கான முக்கிய காரணமாக இருக்கலாம் என போலீசார் தெரிவித்துள்ளனர்.

சென்னையில் தொடர்ச்சியாக நடைபெறும் இத்தகைய வன்முறைகள் சட்டம் மற்றும் ஒழுங்கு மீதான கேள்விகளை எழுப்பியுள்ளன. அதிகாரிகள் குற்றவாளிகளை விரைவாகக் கண்டறிந்து நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

இதையும் படிங்க: வேலைக்கு சேர்க்கததால் ஆத்திரம்...அலுவலகத்தில் ரியல் எஸ்டேட் அதிபர் படுகொலை.!! தொழிலாளி வெறி செயல்.!!