ரோஹித் ஷர்மாவின் கண்ணீரும் மகளிர் அணியின் புன்னகையும்! வைரலாகும் ஆனந்தக் கண்ணீர் வீடியோ..!!

இந்தியா முழுவதும் பெருமிதத்தில் ஆழ்த்தும் வகையில், 2025 மகளிர் உலகக் கோப்பை இறுதிப் போட்டி இந்தியர்களுக்கு மறக்க முடியாத ஒரு வரலாற்று நிமிடமாக அமைந்தது. நாட்டின் கனவாக இருந்த உலகக் கோப்பை வெற்றி, ஹர்மன்பிரீத் கவுர் தலைமையிலான அணியின் உறுதியும் தன்னம்பிக்கையும் வெளிப்படுத்தியது.

இந்திய மகளிர் அணியின் வரலாற்றுச் சாதனை

நவிமும்பையில் உள்ள டி.ஒய்.பாட்டீல் மைதானத்தில் நடைபெற்ற இந்த இறுதிப் போட்டியில், இந்தியா தென்னாப்பிரிக்காவை 52 ரன்கள் வித்தியாசத்தில் வீழ்த்தி முதல் முறையாக உலகக் கோப்பையை கைப்பற்றியது. மைதானம் முழுவதும் ரசிகர்களின் ஆரவாரம் ஒலித்தபோது, வீராங்கனைகள் தேசியக்கொடியை உயர்த்தி பெருமையுடன் கொண்டாடினர்.

ரோஹித் சர்மாவின் உணர்ச்சிமிகு தருணம்

போட்டியை நேரில் பார்த்த முன்னாள் கேப்டன் ரோஹித் சர்மா, இந்திய அணியின் இந்த வரலாற்று வெற்றியை கண்டபோது உணர்ச்சிகளை அடக்க முடியாமல் கண்ணீர் விட்டார். இது இந்திய கிரிக்கெட் ரசிகர்களின் மனதை நெகிழவைத்த தருணமாக மாறியது. 2023 ஆண்கள் உலகக் கோப்பை இறுதியில் ஆஸ்திரேலியாவிடம் ஏற்பட்ட தோல்வியின் வலியை மறக்க முடியாமல் இருந்த ரோஹித்துக்கு, இந்த மகளிர் அணியின் வெற்றி மிகப்பெரிய ஆறுதலாக அமைந்தது.

இதையும் படிங்க: வெடித்து சிதறிய எரிமலையின் நடுவே காதலிக்கு ப்ரொபோஸ் செய்த காதலன்! ஒரே ரொமான்ஸ் தான்! தீயாய் வைரல்..!!!

தீப்தி ஷர்மாவின் ஜொலிப்பு

இந்தப் போட்டியில் தீப்தி ஷர்மா தன் சிறந்த ஆட்டத்தால் அனைவரையும் கவர்ந்தார். 58 ரன்கள் எடுத்து 5 விக்கெட்டுகள் வீழ்த்திய அவர், ஆட்ட நாயகியாக தேர்வானார். கடைசி விக்கெட்டை வீழ்த்தியவுடன் மைதானம் முழுவதும் கொண்டாட்டக் காட்சிகள் வெடித்தன. ஹர்மன்பிரீத் கவுரை சுற்றி வீராங்கனைகள் வெற்றியை கொண்டாடினர்; வானத்தில் பட்டாசுகள் பறந்தன.

இந்திய மகளிர் அணியின் இந்த வெற்றி, நாட்டின் ஒவ்வொரு பெண்ணுக்கும் தன்னம்பிக்கை ஊட்டும் புதிய அத்தியாயமாகும். ரோஹித் சர்மாவின் கண்ணீரும், மகளிர் அணியின் புன்னகையும் சேர்ந்து இந்திய கிரிக்கெட் வரலாற்றில் என்றென்றும் நிலைத்திருக்கும்.

இதையும் படிங்க: பண்ணைக்கு சென்ற விவசாயி வீடு திரும்பவில்லை! தேடிய குடும்பத்தினர்! 8 அடி பைதான் பாம்பு வயிறை கீறி விவசாயி உடலை வெளியே எடுத்த மக்கள்! திக் திக் வீடியோ....