என்ன பெத்த தாயை அசிங்கமாக பேசியபோது கூட பொறுத்துக்கிட்டேன்! ஆனால்... மேடையில் அதை சொல்லி கலங்கிய CM விஜய்! திமுகவுக்கு உரத்த குரலில் பதிலடி..!!!

மதுராந்தகம் இடைத்தேர்தல் பரப்புரையில் தமிழக முதல்வரும் தவெக தலைவருமான விஜய், திமுகவை கடுமையாக விமர்சித்தார். தன்னை குறிவைத்து அவதூறு பரப்பப்படுவதாக கூறிய அவர், சிறுமிகளுக்கு எதிரான பாலியல் குற்றங்கள் தொடர்பான விவகாரங்களையும் எழுப்பினார். தமிழ்நாட்டு மக்களின் ஆதரவுதான் தனது அரசியல் பயணத்துக்கு முக்கிய பலம் என்றும் தெரிவித்தார்.

தவெக மீது குற்றச்சாட்டு இல்லை என்பதால் அவதூறு என விஜய் விமர்சனம்

மதுராந்தகம் பரப்புரை கூட்டத்தில் பேசிய விஜய், தனது சொந்த தாயை திமுகவினர் தவறாக பேசியபோதும் தான் அமைதியாக இருந்ததாக கூறினார். தவெக மீது நேரடியாக குற்றச்சாட்டுகளை முன்வைக்க முடியாததால், பெண்கள் மற்றும் மாற்றுக் கருத்துகளை கொண்டவர்களை குறிவைத்து அவதூறு பரப்பப்படுவதாக திமுக மீது அவர் குற்றம்சாட்டினார்.

இதையும் படிங்க: CM விஜய்யின் நடை, உடை, பாவனையை ரசிக்கும் ஸ்டாலின்...? முப்பெரும் விழாவா.? இல்ல ஒப்பாரி விழாவா..? திமுகவை வச்சு செய்த தவெக ஐடி விங்..!!!

மேலும், மாநிலத்தில் சிறுமிகளுக்கு எதிராக நடந்த பாலியல் குற்ற வழக்குகளை சுட்டிக்காட்டிய விஜய், குற்றவாளிகள் மீதான நடவடிக்கைகள் தொடர்பாக திமுக ஆட்சியை கேள்வி எழுப்பினார். குறிப்பிட்ட வழக்குகள் மூடி மறைக்கப்பட்டதாகவும் அவர் குற்றம்சாட்டினார். இவை விஜய் பரப்புரை மேடையில் முன்வைத்த அரசியல் குற்றச்சாட்டுகள் ஆகும்.

 உரத்த குரலில் பதிலடி

சட்டமன்றத்தில் திமுக உறுப்பினர்கள் தன்னை பேசவிடாமல் தொடர்ந்து கூச்சலிடுவதாக விஜய் தெரிவித்தார். அவர்களின் நோக்கத்தை புரிந்துகொண்ட பிறகு தானும் உரத்த குரலில் பேசத் தொடங்கியதாக அவர் கூறினார். 34 ஆண்டுகால திரை மற்றும் பொதுவாழ்க்கையில் பல்வேறு விமர்சனங்களையும் தாக்குதல்களையும் சந்தித்துள்ளதால், இதுபோன்ற விமர்சனங்கள் தனக்கு புதிதல்ல என்றும் குறிப்பிட்டார்.

எம்.ஜி.ஆர், ஜெயலலிதா பெயரை முன்வைத்து கூட்டணி விமர்சனம்

எம்.ஜி.ஆர் மற்றும் ஜெயலலிதா ஆகியோருக்கு திமுகவே பிரதான அரசியல் எதிரியாக இருந்ததாக குறிப்பிட்ட விஜய், அதேபோல் தனக்கும் திமுகதான் அரசியல் எதிரி என தெரிவித்தார். திமுகவுடன் கூட்டணி அமைப்பது எம்.ஜி.ஆரின் உண்மையான விசுவாசிகளின் மனதை காயப்படுத்தும் செயல் என்றும் அவர் விமர்சித்தார்.

எம்.ஜி.ஆர் தொண்டர்கள் மற்றும் மக்களின் நலனை பாதுகாக்க தொடர்ந்து துணை நிற்பேன் என உறுதியளித்த விஜய், வரவிருக்கும் அரசியல் களத்தில் தவெக மாற்றம் ஏற்படுத்தும் என்று கூறினார். தமிழ்நாட்டு மக்களின் பேராதரவுதான் தனது வெற்றிக்கு முக்கிய காரணம் என்றும் மதுராந்தகம் பரப்புரையில் அவர் தெரிவித்தார்.

இதையும் படிங்க: லண்டனில் நள்ளிரவில் வந்த அவசர போன்கால்! சீக்ரெட் வீடியோவை பார்த்ததும் அதிர்ச்சியில் உறைந்த முதல்வர் விஜய்.... பின்னணியில் உள்ள அந்த முக்கிய புள்ளி.! சென்னை திரும்பியதும் அடுத்த சம்பவம்!!!