BREAKING: மொத்த லிஸ்ட்டும் ரெடி.... தமிழகத்தில் 717 டாஸ்மாக் கடைகளை மூட முதல்வர் விஜய் அதிரடி உத்தரவு! எந்தெந்த இடங்களில் தெரியுமா?

தமிழகத்தில் பொதுமக்களின் நீண்டநாள் கோரிக்கையை முன்னிட்டு, மாநிலம் முழுவதும் 717 டாஸ்மாக் கடைகளை மூட அரசு முடிவு செய்துள்ளது. முதல்வர் விஜய் பிறப்பித்துள்ள இந்த அதிரடி உத்தரவின்படி, இரண்டு வாரங்களுக்குள் குறிப்பிட்ட கடைகள் செயல்பாட்டிலிருந்து நிறுத்தப்பட உள்ளன.

வழிபாட்டுத் தலங்கள், கல்வி நிலையங்கள் மற்றும் மக்கள் அதிகமாக கூடும் பொது இடங்களுக்கு அருகில் செயல்பட்டு வந்த டாஸ்மாக் கடைகள் மீது இந்த நடவடிக்கை எடுக்கப்பட்டுள்ளதாக அரசு தரப்பில் தெரிவிக்கப்பட்டுள்ளது.

இதையும் படிங்க: கனமழை காரணமாக நாளையும் பள்ளிகளுக்கு விடுமுறை! எந்தெந்த மாவட்டங்கள்? வெளியான அறிவிப்பு...

எந்தெந்த கடைகள் மூடப்படுகின்றன?

அரசு வெளியிட்ட தகவலின்படி, கோவில்கள் மற்றும் பிற வழிபாட்டுத் தலங்களுக்கு அருகில் உள்ள 276 கடைகள் அடையாளம் காணப்பட்டுள்ளன. அதேபோல் பள்ளி, கல்லூரி உள்ளிட்ட கல்வி நிலையங்களுக்கு மிக அருகில் இயங்கி வந்த 186 கடைகளும் மூடப்பட உள்ளன.

மேலும் பேருந்து நிலையங்கள் மற்றும் மக்கள் நடமாட்டம் அதிகமுள்ள பொது இடங்கள் அருகே உள்ள 255 கடைகளும் பட்டியலில் சேர்க்கப்பட்டுள்ளன. இதனால் மொத்தமாக 717 டாஸ்மாக் கடைகள் மூடப்பட உள்ளன.

மக்களிடையே வரவேற்பு

மது பழக்கத்தால் ஏற்படும் சமூக மற்றும் குடும்ப பிரச்சினைகளை குறைக்கும் நோக்கில் இந்த நடவடிக்கை எடுக்கப்பட்டுள்ளதாக கூறப்படுகிறது. குறிப்பாக பெண்கள் மற்றும் சமூக ஆர்வலர்கள் மத்தியில் இந்த அறிவிப்புக்கு வரவேற்பு அதிகரித்துள்ளது.

இதையடுத்து பல பகுதிகளில் பொதுமக்கள் அரசின் முடிவை ஆதரித்து கருத்து தெரிவித்து வருகின்றனர். பள்ளி மற்றும் வழிபாட்டு தலங்கள் அருகே இருந்த மதுக்கடைகள் மூடப்படுவது பாதுகாப்பான சூழலை உருவாக்கும் எனவும் கூறப்படுகிறது.

டாஸ்மாக் கடைகள் எண்ணிக்கை குறைவு

இந்த நடவடிக்கைக்குப் பிறகு தமிழகத்தில் செயல்பட்டு வரும் டாஸ்மாக் கடைகளின் எண்ணிக்கை 4,825 இலிருந்து 4,048 ஆகக் குறைய உள்ளது. முதல்வர் விஜய் தலைமையிலான அரசின் இந்த முடிவு, ஆரோக்கியமான சமூகத்தை நோக்கிய முக்கிய நடவடிக்கையாக பார்க்கப்படுகிறது.

இதையும் படிங்க: குடிமகன்களே! கேட்டுக்கோங்க.... தமிழகம் முழுவதும் டாஸ்மாக் கடைகளின் திறப்பு மற்றும் மூடும் நேரம் மாற்றம்!