பொங்கலுக்குள் தவெக ஆட்சியை கவிழ்க்க தீட்டிய சதி திட்டம்! ரகசிய ஆலோசனையால் பரபரப்பு...!!!

பொங்கலுக்குள் தமிழக வெற்றிக் கழக ஆட்சியை கவிழ்க்க திட்டம் தீட்டப்பட்டதாக வெளியாகியுள்ள தகவல் தமிழக அரசியலில் பரபரப்பை ஏற்படுத்தியுள்ளது. திமுகவைச் சேர்ந்த முன்னாள் அமைச்சர்கள் சிலர் ரகசியமாக ஆலோசனை நடத்தியதாகப் பிரபல நாளிதழ் செய்தி வெளியிட்டுள்ளது. இதில், எதிர்க்கட்சித் தலைவர் எடப்பாடி பழனிசாமியிடம் பேசியதாகவும், சட்டப்பேரவையில் நம்பிக்கையில்லா தீர்மானத்தை கொண்டு வர வேண்டும் என மூத்த தலைவர் ஒருவர் வலியுறுத்தியதாகவும் கூறப்பட்டுள்ளது.

ஆட்சியை மாற்ற ரகசிய ஆலோசனையா?

வெளியான தகவலின்படி, தமிழக வெற்றிக் கழக அரசுக்கு எதிராக மக்களிடையே அதிருப்தியை உருவாக்கி, எதிர்க்கட்சிகளை ஒருங்கிணைப்பது குறித்து கூட்டத்தில் ஆலோசிக்கப்பட்டதாக தெரிகிறது. குறிப்பாக, சட்டப்பேரவை நடவடிக்கைகளை பயன்படுத்தி அரசுக்கு நெருக்கடி கொடுப்பது தொடர்பாகவும் விவாதிக்கப்பட்டதாகக் கூறப்படுகிறது.

இதையும் படிங்க: அதிரடி அரசியல் வியூகம்! திமுக - CJP கூட்டணி? ஒரே கல்லில் 2 மாங்காய் அடிக்கும் ஸ்டாலின்! பரபரக்கும் அரசியல் களம்..!!!

எடப்பாடி பழனிசாமியிடம் பேசப்பட்டதாக தகவல்

ஆலோசனையின்போது, எடப்பாடி பழனிசாமியிடம் ஏற்கனவே பேசியதாக மூத்த தலைவர் ஒருவர் தெரிவித்ததாக அந்த செய்தியில் குறிப்பிடப்பட்டுள்ளது. இதையடுத்து, சட்டப்பேரவையில் தைரியமாக நம்பிக்கையில்லா தீர்மானம் கொண்டு வர வேண்டும் என அவர் வலியுறுத்தியதாகவும் தகவல் வெளியாகியுள்ளது. இந்த தகவல் அரசியல் வட்டாரங்களில் தற்போது முக்கிய விவாதமாக மாறியுள்ளது.

அடுத்தகட்ட அரசியல் நகர்வுக்கு எதிர்பார்ப்பு

ஆட்சியின் நிலைத்தன்மை குறித்து வெளியாகியுள்ள இந்த தகவலால் ஆளுங்கட்சி மற்றும் எதிர்க்கட்சிகள் தரப்பில் பல்வேறு கருத்துகள் எழுந்துள்ளன. குறிப்பாக, பொங்கலுக்குள் ஆட்சியை மாற்றும் திட்டம் இருப்பதாக கூறப்படுவது தமிழக வெற்றிக் கழகம் தரப்பிலும் கவனத்தை ஈர்த்துள்ளது. இதற்கு அந்தக் கட்சி எவ்வாறு பதிலளிக்கும் என்பதும் எதிர்பார்ப்பை ஏற்படுத்தியுள்ளது.

கூட்டணி கட்சிகளின் நிலைப்பாடு, சட்டப்பேரவையில் எதிர்க்கட்சிகளின் அடுத்தகட்ட நடவடிக்கை உள்ளிட்டவை இனிவரும் நாட்களில் முக்கியத்துவம் பெறும் என அரசியல் வட்டாரங்களில் கூறப்படுகிறது. எனினும், ரகசியக் கூட்டம் மற்றும் ஆட்சியைக் கவிழ்க்கும் திட்டம் தொடர்பான தகவல்களுக்கு சம்பந்தப்பட்ட தரப்புகளின் அதிகாரப்பூர்வ விளக்கம் இதுவரை வெளியாகவில்லை.

இதையும் படிங்க: கட்டுக்கட்டாக களையும் அதிமுக கோட்டை! அடுத்த 25 அதிமுக எம்.எல்.ஏ-க்கள் தவெக பக்கம் தாவ தயார்? இனி சட்டமன்றத்தில் எதிர்க்கட்சிகள் இல்லாத நிலை... செங்கோட்டையனின் பரபரப்பு பேட்டி...!!!