இது நடக்க வைக்கத்தான் இவ்வளவு நாடகமா? தவெக-வின் மூன்று கட்ட அரசியல் திரைக்கதையை அவிழ்த்த திமுக MP அப்துல்லா...!!!

தஞ்சாவூரில் நடைபெற்ற போராட்டத்தில் எதிர்க்கட்சித் தலைவர் உதயநிதி ஸ்டாலின் பேசாத கருத்துகளை வீடியோவை திருத்தி பரப்பியதாக திமுக மாநிலங்களவை உறுப்பினர் எம்.எம். அப்துல்லா குற்றம்சாட்டியுள்ளார். இந்த சர்ச்சையைத் தொடர்ந்து உதயநிதி கைது செய்யப்பட்டிருப்பதும் தமிழக அரசியலில் பரபரப்பை ஏற்படுத்தியுள்ளது.

வீடியோ திருத்தப்பட்டதாக அப்துல்லா குற்றச்சாட்டு

சமூக வலைதளத்தில் வெளியிட்ட பதிவில், ஆளுங்கட்சியினர் திட்டமிட்டு அரசியல் நாடகம் நடத்துவதாக அப்துல்லா விமர்சித்துள்ளார். அவசரமாக வழக்குப்பதிவு செய்து கைது நடவடிக்கை வரை சென்றதன் பின்னணியில் பெரிய அரசியல் திட்டம் இருப்பதாகவும் அவர் கூறியுள்ளார்.

இதையும் படிங்க: 10 நிமிஷம் டைம் கொடுங்க சார்! கெஞ்சிய உதயநிதி ஸ்டாலின் மனைவி....! கைதில் அதிரடி காட்டிய போலீசார்!!!

மூன்று கட்ட அரசியல் திரைக்கதை என கணிப்பு

இந்த விவகாரத்தின் பின்னணியில் மூன்று முக்கிய நிகழ்வுகள் நடைபெறும் எனவும் அப்துல்லா தனது பதிவில் குறிப்பிட்டுள்ளார். முதலில் சம்பந்தப்பட்ட நடிகை ஊடகங்கள் முன் வந்து முதலமைச்சர் விஜய்க்கு நன்றி தெரிவிப்பார் என்றும், அதன்பின் நடைபெறவுள்ள இடைத்தேர்தலில் அவர் தமிழக வெற்றிக் கழகம் சார்பில் வேட்பாளராக அறிவிக்கப்பட்டு வெற்றி பெற வைக்கப்படுவார் என்றும் தெரிவித்துள்ளார். இறுதியாக கட்சியின் முக்கிய தலைவராக அவர் முன்னிலைப்படுத்தப்படுவார் என்றும் அவர் கணித்துள்ளார்.

இரு தரப்பிலும் வார்த்தைப் போர்

நடிகையை கட்சியில் இணைத்து முன்னிலைப்படுத்த இவ்வளவு அரசியல் நாடகம் ஏன் நடத்த வேண்டும் என்றும், உதயநிதி மீது தேவையற்ற குற்றச்சாட்டுகள் ஏன் சுமத்தப்படுகின்றன என்றும் அப்துல்லா கேள்வி எழுப்பியுள்ளார். அவரது பதிவு தவெக நிர்வாகிகளிடையே எதிர்ப்பை ஏற்படுத்தியுள்ளது. இதற்கிடையில், உதயநிதி கைது விவகாரத்திலிருந்து மக்களின் கவனத்தை திசைதிருப்பும் நோக்கிலேயே திமுக தரப்பினர் ஆதாரமற்ற குற்றச்சாட்டுகளை பரப்புவதாக விஜய் ஆதரவாளர்கள் மறுப்பு தெரிவித்து வருகின்றனர்.

இதையும் படிங்க: என்ன பேச்சு பேசுற? உதயநிதி பேச்சுக்கு ஆப்பு வைத்த முதல்வர் விஜய்! தமிழக அரசியலில் வெடித்த வெடிகுண்டு...!!!