இது யாரும் எதிர்பார்க்காத ட்விஸ்ட்..! இன்னும் 2 மாதத்தில் எடப்பாடி தான் முதல்வர்...! கொளத்தூருக்கு இடைத்தேர்தல் வரும்.... மாஃபா பாண்டியராஜன் போட்ட வெடிகுண்டுடால் அரசியலில் பரபரப்பு..!!!

சென்னையில் நடைபெற்ற நிகழ்ச்சி ஒன்றில் அதிமுக முன்னாள் அமைச்சர் மாஃபா பாண்டியராஜன் பேசிய கருத்துகள் அரசியல் வட்டாரத்தில் கவனம் பெற்றுள்ளன. இன்னும் இரண்டரை மாதங்களில் எடப்பாடி பழனிசாமி மீண்டும் தமிழக முதல்வராக பொறுப்பேற்பார் என அவர் கூறியுள்ளார். அதேபோல், கொளத்தூர் மற்றும் வில்லிவாக்கம் தொகுதிகளுக்கு விரைவில் இடைத்தேர்தல் வர வாய்ப்புள்ளதாகவும், அதற்காக கட்சியினர் தயாராக இருக்க வேண்டும் என்றும் அவர் தெரிவித்துள்ளார்.

இடைத்தேர்தல் குறித்து பாண்டியராஜன் பேச்சு

சென்னையில் நடைபெற்ற நிகழ்ச்சியில் பேசிய மாஃபா பாண்டியராஜன், தமிழக அரசியல் சூழல் தொடர்பாக பல்வேறு கருத்துகளை முன்வைத்தார். குறிப்பாக, அதிமுக பொதுச்செயலாளர் எடப்பாடி பழனிசாமி மீண்டும் முதல்வராக பொறுப்பேற்பார் என அவர் தெரிவித்தது கட்சியினர் மத்தியில் கவனம் பெற்றுள்ளது.

இதையும் படிங்க: கடைசி நேரத்தில் எப்படி கைநழுவியது...! பச்சை வேஷ்டி அணிந்து கையில் கயிறு கட்டிக்கொண்டு... ஆனா கடைசியில்? எடப்பாடி தொகுதியில் நடந்த பேரதிர்ச்சி! உண்மையை போட்டு உடைத்த செங்கோட்டையன்...!!!

மேலும், கொளத்தூர் மற்றும் வில்லிவாக்கம் சட்டமன்றத் தொகுதிகளுக்கு இன்னும் 2 மாதத்தில் இடைத்தேர்தல் வரக்கூடும் என்றும் அவர் குறிப்பிட்டார். இதையடுத்து, அந்த தொகுதிகளில் தேர்தலை எதிர்கொள்ளும் வகையில் கட்சியினர் தயாராக இருக்க வேண்டும் எனவும் அறிவுறுத்தியுள்ளார்.

கொளத்தூர் எம்எல்ஏ உடல்நிலை குறித்து சர்ச்சை

இதற்கிடையில், தமிழக வெற்றிக் கழகத்தைச் சேர்ந்த கொளத்தூர் தொகுதி சட்டமன்ற உறுப்பினர் வி.எஸ். பாபு, திடீர் சுவாசக் கோளாறு மற்றும் உடல்நலக் குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளதாக கூறப்படுகிறது. அவர் தற்போது தீவிர சிகிச்சைப் பிரிவில் தொடர்ந்து சிகிச்சை பெற்று வருவதாக தகவல் வெளியாகியுள்ளது.

இந்த நிலையில், தொகுதிக்கு இடைத்தேர்தல் வர வாய்ப்புள்ளதாக மாஃபா பாண்டியராஜன் பேசியிருப்பது அரசியல் ரீதியாகவும், தார்மீக ரீதியாகவும் விவாதத்தை ஏற்படுத்தியுள்ளது. எம்எல்ஏவின் உடல்நிலை தொடர்பான தகவல்கள் வெளியாகி வரும் சூழலில் இத்தகைய பேச்சு இடம்பெற்றிருப்பது குறித்து பல்வேறு கருத்துகள் முன்வைக்கப்பட்டு வருகின்றன.

அரசியல் வட்டாரத்தில் தொடரும் விவாதம்

மாஃபா பாண்டியராஜனின் இடைத்தேர்தல் கருத்து குறித்து பல்வேறு தரப்பினரும் விவாதித்து வருகின்றனர். அதேநேரத்தில், கொளத்தூர் தொகுதி எம்எல்ஏவின் உடல்நிலை தொடர்பாக அதிகாரப்பூர்வமாக வெளியாகும் மருத்துவத் தகவல்களே அடுத்தகட்ட அரசியல் நிலவரத்தை தீர்மானிக்கும் நிலையில் உள்ளன.

எடப்பாடி பழனிசாமி மீண்டும் முதல்வராக பொறுப்பேற்பார் என்ற அவரது அரசியல் பேச்சு மற்றும் கொளத்தூர், வில்லிவாக்கம் தொகுதிகளில் இடைத்தேர்தல் வரலாம் என்ற கூற்று தற்போது தமிழக அரசியல் வட்டாரத்தில் பேசுபொருளாகியுள்ளது.

இதையும் படிங்க: நாங்களும் தவெக- வுக்கு எதிரி தான்! கூட்டணி குறித்து எடப்பாடி சொன்ன அந்த ஒரு வார்த்தை.... அப்போ ஒன்றுகூடி ஒரு அணியிலா? இது யாரும் எதிர்பார்க்காத ட்விஸ்ட்டா இருக்கே...!!!