எடப்பாடி தலையில் இடியை இறக்கிய எம்.எல்.ஏக்கள்.... சொல்லி கேட்காததால் வேலையை காட்டிய மார்டின் குடும்பம்! லீமா ரோஸ்ஸின் வில்லங்க வேலை!!!

தமிழக அரசியல் களம் தற்போது பரபரப்பின் உச்சத்தில் உள்ளது. ஆட்சி அமைப்பதற்கான பெரும்பான்மையை உறுதி செய்யும் முயற்சியில் இருக்கும் தமிழக வெற்றிக் கழகத் தலைவர் விஜய்க்கு ஆதரவாக அதிமுகவின் ஒரு பிரிவு எம்.எல்.ஏக்கள் நகர்ந்து வருவதாக தகவல்கள் வெளியாகியுள்ளன. இந்த மாற்றம், எதிர்க்கட்சித் தலைவர் எடப்பாடி பழனிசாமிக்கு புதிய சவாலாக மாறியுள்ளது.

அதிமுகவுக்குள் உருவாகியுள்ள அதிருப்தி அணியின் பின்னணியில் லாட்டரி தொழிலதிபர் மார்ட்டின் குடும்பத்தின் பெயர் தீவிரமாக பேசப்படுகிறது. குறிப்பாக, அவரது மனைவி லீமா ரோஸ் தலைமையில் 36 எம்.எல்.ஏக்கள் ஒன்றிணைந்துள்ளதாக கூறப்படுவது அரசியல் வட்டாரங்களில் அதிர்வலை ஏற்படுத்தியுள்ளது.

இதையும் படிங்க: விஜய் போட்ட பிளான் மொத்தமும் நடக்குது.....விஜய்க்கு விஜயபாஸ்கர் திடீர் ஆதரவு! அதிமுக வில் அடுத்தடுத்து 10 க்கு மேல்.....அதிர்ச்சியில் அல்லேலப்படும் எடப்பாடி!!!

அதிருப்தி அணியின் பின்னணி என்ன?

தகவலின்படி, கட்சித் தலைமையின் அணுகுமுறை மற்றும் எதிர்கால அரசியல் திசை குறித்து அதிமுகவின் சில முக்கிய நிர்வாகிகள் அதிருப்தியில் இருந்ததாக கூறப்படுகிறது. இதையடுத்து, லீமா ரோஸ் முன்னிலையில் தனி அணியாக செயல்படத் தொடங்கிய இந்த குழு, தற்போது கட்சிக்குள் தனி சக்தியாக உருவெடுத்துள்ளது.

இந்த அணியின் அரசியல் நடவடிக்கைகளை ஒருங்கிணைப்பதில், மார்ட்டினின் மருமகனும் தவெக முக்கிய நிர்வாகியுமான ஆதவ் அர்ஜுனா தீவிரமாக செயல்பட்டு வருவதாக கூறப்படுகிறது. அரசியல் மற்றும் பொருளாதார ஆதரவை பயன்படுத்தி, விஜய்யின் ஆட்சியை உறுதிப்படுத்தும் வகையில் பல்வேறு ஆலோசனைகள் நடைபெற்று வருவதாகவும் தகவல்கள் வெளியாகியுள்ளன.

அதிமுகவில் தீவிரமான உட்கட்சிப் பூசல்

முன்னாள் அமைச்சர்கள் சி.வி. சண்முகம் மற்றும் எஸ்.பி. வேலுமணி உள்ளிட்ட சில முக்கிய தலைவர்கள் இந்த அணியுடன் ஆலோசனையில் இருப்பதாக அரசியல் வட்டாரங்களில் பேசப்படுகிறது. இதனால் அதிமுகவின் உள்கட்டமைப்பில் கடுமையான குழப்பம் ஏற்பட்டுள்ளதாக கூறப்படுகிறது.

கட்சித் தாவல் தடைச் சட்டத்தின் கீழ் நடவடிக்கை எடுக்க முடியாத அளவுக்கு போதுமான எண் பலம் இந்த அணிக்குக் கிடைத்துள்ளதாக தகவல்கள் தெரிவிக்கின்றன. இதனால், எடப்பாடி பழனிசாமி தரப்பில் அடுத்த கட்ட நடவடிக்கை குறித்து தீவிர ஆலோசனை நடைபெற்று வருவதாக கூறப்படுகிறது.

விஜய் ஆட்சிக்கு புதிய கணக்கு?

விசிக மற்றும் இடதுசாரி கட்சிகளின் ஆதரவுடன் தற்போது முன்னேறி வரும் விஜய் தரப்புக்கு, அதிமுகவின் இந்த புதிய அணியின் ஆதரவு கிடைத்தால் அரசியல் சமநிலை முழுவதுமாக மாறக்கூடும் என அரசியல் பார்வையாளர்கள் கணிக்கின்றனர்.

அதேநேரத்தில், இந்த நகர்வு எடப்பாடி பழனிசாமியின் தலைமையையே நேரடியாக சவால் செய்கிறது என்பதும் குறிப்பிடத்தக்கது. தமிழக அரசியலில் அடுத்த சில நாட்கள் மிக முக்கிய திருப்பங்களை உருவாக்கும் சூழல் தற்போது உருவாகியுள்ளது.

இதையும் படிங்க: அதிமுகவிலிருந்து மூன்று முக்கிய எம்.எல்.ஏ.க்கள் விலகல்..? 35 எம்எல்ஏக்களுடன் முக்கிய கட்சியில் இணைவு...செம ஷாக்கில் எடப்பாடி!!!