திட்டவட்டமாக சி.வி.சண்முகம் எடுத்த அதிரடி முடிவு! தவெகவுக்கு தாவுகிறாரா? பின்னணியில் பாஜக போட்ட மாஸ்டர் பிளான்..!!!

அதிமுக பொதுச்செயலாளர் எடப்பாடி பழனிசாமி மீது சில அதிருப்திகள் இருந்தாலும், கட்சியை விட்டு விலகும் எண்ணம் இல்லை என்று முன்னாள் அமைச்சர் சி.வி.சண்முகம் திட்டவட்டமாகத் தெரிவித்துள்ளார். அவர் தவெகவில் இணையப்போவதாக அண்மையில் பரவிய தகவல்களுக்கு மத்தியில், இந்த விளக்கம் அரசியல் வட்டாரத்தில் கவனம் பெற்றுள்ளது.

தவெகவில் இணையப்போவதாகப் பரவிய வதந்தி

அதிமுகவில் நிலவும் உட்கட்சிப் பிரச்சினைகள் மற்றும் தலைமை மீதான அதிருப்தி காரணமாக சி.வி.சண்முகம் கட்சியை விட்டு வெளியேறலாம் என்று பேசப்பட்டது. குறிப்பாக, அவர் தமிழக வெற்றிக் கழகத்தில் இணைய உள்ளதாகவும் தகவல்கள் பரவின. இந்த நிலையில், அதிமுகவை விட்டு விலகப்போவதில்லை என்ற அவரது நிலைப்பாடு வெளியாகியுள்ளது.

இதையும் படிங்க: BREAKING : சி.வி.சண்முகம் ஆதரவாளர்கள் 100 பேர் நீக்கம்...! பண்ருட்டி MLA மோகன் கொடுத்த திடீர் ட்விஸ்ட்... அதிமுகவில் பரபரப்பு..!!!

பாஜக மேலிடம் சமரசப் பேச்சுவார்த்தை?

அதிருப்தியில் உள்ள தலைவர்களுடன் பாஜக மேலிடம் தலையிட்டு பேச்சுவார்த்தை நடத்தியதாகவும் கூறப்படுகிறது. அப்போது, தமிழகத்தில் அதிமுகவை மீண்டும் பலப்படுத்தவும், வரவிருக்கும் தேர்தல்களில் கட்சியின் வெற்றிக்காகவும் முழு ஒத்துழைப்பு அளிப்பதாக சி.வி.சண்முகம் உறுதியளித்துள்ளதாகத் தெரிகிறது.

கட்சியில் தொடர்வதில் உறுதி

கட்சியை விட்டு வெளியேறும் திட்டம் தனக்கு இல்லை என்றும் அவர் தெரிவித்துள்ளதாக தகவல்கள் தெரிவிக்கின்றன. இதனால், சி.வி.சண்முகத்தின் அடுத்தகட்ட அரசியல் நகர்வு குறித்த யூகங்கள் தணியுமா என்ற எதிர்பார்ப்பு எழுந்துள்ளது. இருப்பினும், அதிமுகவில் நிலவும் அதிருப்திகள் மற்றும் சமரச முயற்சிகள் குறித்த அதிகாரப்பூர்வ விளக்கம் வெளியாகவில்லை.

இதையும் படிங்க: தனுஷ்ஷின் அரசியல் என்ட்ரியால் தவெக அரசுக்கு சிக்கல்! பின்னணி மாஸ்டர் பிளான்... ராஜேந்திர பாலாஜி ஓபன் டாக்..!!!