லைப் ஸ்டைல்

ஆரோக்கியமான வரகு அரிசி பருப்பு அடை... வீட்டிலேயே செய்வது எப்படி?..!

Summary:

ஆரோக்கியமான வரகு அரிசி பருப்பு அடை... வீட்டிலேயே செய்வது எப்படி?..!

காலை வேளையில் ஆரோக்கியமாக சாப்பிட வரகு அரிசி பருப்பு அடை எவ்வாறு சமைப்பது என்பது பற்றியது தான் இந்த செய்திக்குறிப்பு.

தேவையான பொருட்கள் :

துவரம்பருப்பு - கால் கப் 
கடலைப்பருப்பு - கால் கப் 
உளுத்தம்பருப்பு - 2 தேக்கரண்டி 
அவல் - 2 தேக்கரண்டி 
பாசிப்பருப்பு - 2 தேக்கரண்டி 
வரமிளகாய் - 6 
வெங்காயம்-1 
பெருங்காயத்தூள் - கால் தேக்கரண்டி கொத்தமல்லி - சிறிதளவு 
இஞ்சி - சிறிய துண்டு 
உப்பு - தேவையான அளவு 
கறிவேப்பிலை - சிறிதளவுசெய்முறை :

★முதலில் கொத்தமல்லி, வெங்காயம், இஞ்சியை பொடியாக நறுக்கிக் கொள்ள வேண்டும்.

★பின் வரகு, அவல் மற்றும் பருப்புகளை நீரில் தனித்தனியாக 3 மணி நேரம் ஊற வைக்க வேண்டும்.

★அடுத்து இவையனைத்தும் நன்றாக ஊறிய பின், மிக்ஸியில் வரமிளகாய், உப்பு, பெருங்காயத்தூள் ஆகியவற்றை சேர்த்து பொடியாக அரைத்துக் கொள்ளவும்.

★பின் ஊறவைத்த வரகில் உள்ள நீரை முழுமையாக வடிகட்டி, மிக்ஸியில் சேர்த்து மென்மையாக அரைக்க வேண்டும்.

★தொடர்ந்து உளுத்தம்பருப்பு, பாசிப்பருப்பு, துவரம்பருப்பு, கடலைப்பருப்பு மற்றும் அவல் போன்றவற்றை மிக்ஸியில் சேர்த்து நன்றாக அரைத்து வரகுடன் சேர்த்து 2 மணி நேரம் தனியாக வைக்கவேண்டும்.

★2 மணிநேரத்திற்கு பின் அதில் கருவேப்பிலை, கொத்தமல்லி, வெங்காயம், இஞ்சி போன்றவற்றை கலந்துகொள்ள வேண்டும்.

★இறுதியாக தோசைக்கல்லை அடுப்பில் வைத்து எண்ணெய் ஊற்றி சூடானதும், அடை மாவை சுட்டு முன்னும், பின்னும் வேகவைத்து எடுத்தால் வரகு அரிசி பருப்பு அடை ரெடியாகிவிடும்.


Advertisement