பட்டை பட்டையாய் உறியும் தோல்கள்! வியர்க்கவே வியர்க்காத உடம்பு...! பிறவியிலேயே வரும் கொடிய தோல் நோய்கான... அதிரவைக்கும் காரணம்!!!

பிறப்பிலேயே அல்லது சிறு வயதிலேயே தோன்றக்கூடிய மரபணு சார்ந்த தோல் நோய்களில் லாமெல்லார் இக்தியோசிஸும் ஒன்று. உடல் முழுவதும் தடிமனான செதில்கள் மற்றும் ஆழமான வெடிப்புகள் ஏற்படுவது இதன் முக்கிய அறிகுறியாகும். இதனால் வியர்வை சுரப்பது குறைந்து, உடல் வெப்பநிலையை சீராக பராமரிப்பதில் சிரமம் ஏற்படலாம். நோய்த்தொற்று ஏற்படும் அபாயமும் அதிகரிக்கிறது.

தோலில் உருவாகும் தடிமனான செதில்கள்

லாமெல்லார் இக்தியோசிஸ் பாதிப்பு உள்ளவர்களின் கைகள், கால்கள் உள்ளிட்ட உடலின் பல பகுதிகளில் தோல் தடிமனாகி, செதில்களைப் போன்ற அடுக்குகள் உருவாகும். சிலருக்கு தோலில் ஆழமான வெடிப்புகளும் ஏற்படலாம். இதனால் அன்றாட செயல்பாடுகளிலும் அசௌகரியம் ஏற்பட வாய்ப்புள்ளது.

இதையும் படிங்க: உடலை வெள்ளையாக்கும் Glutathione இன்ஜெக்ஷன்... பாதுகாப்பானதா.? மிடில் கிளாஸ் மக்களுக்கு சாத்தியமா.?!

உடல் வெப்பநிலையை கட்டுப்படுத்துவதில் சிக்கல்

தோலில் ஏற்படும் மாற்றங்களால் இயற்கையான வியர்வை சுரக்கும் தன்மை பாதிக்கப்படலாம். இதன் காரணமாக உடல் வெப்பநிலையை இயல்பாக கட்டுப்படுத்துவதில் சிரமம் ஏற்படும். மேலும், தோலில் வெடிப்புகள் இருப்பதால் நோய்த்தொற்றுகள் எளிதில் தாக்கும் அபாயமும் உள்ளது. லாமெல்லார் இக்தியோசிஸ் நோய்க்கு இதுவரை முழுமையான குணப்படுத்தும் சிகிச்சை கண்டறியப்படவில்லை.

முறையான சிகிச்சையால் பாதிப்பை கட்டுப்படுத்தலாம்

எனினும், தோல் மருத்துவரின் ஆலோசனையுடன் தொடர்ந்து சிகிச்சை பெறுவதன் மூலம் நோயின் தீவிரத்தை கணிசமாக குறைக்க முடியும். மருத்துவர் பரிந்துரைக்கும் மருந்துகள் மற்றும் சருமப் பராமரிப்பு முறைகளை தவறாமல் பின்பற்றுவது முக்கியம். தினசரி சருமப் பராமரிப்பு மேற்கொள்வதும் பாதிக்கப்பட்டவர்களின் அன்றாட வாழ்க்கையை எளிதாக்கும்.

இந்த நோய் குறித்து வெட்கப்படவோ தயங்கவோ தேவையில்லை. சரியான மருத்துவ ஆலோசனையைப் பெற்று, தொடர்ந்து பராமரிப்பை மேற்கொண்டால் பாதிப்புகளை கட்டுக்குள் வைத்து தன்னம்பிக்கையுடன் இயல்பான வாழ்க்கையை தொடர முடியும். இதுகுறித்த விழிப்புணர்வும் சமூகத்தில் அதிகரிக்க வேண்டியது அவசியம்.