எப்ப என்ன நடக்கும்னே தெரியல... பலத்த காற்று, கனமழையால் பெண்ணின் தலையில் விழுந்த ராட்சத கூரை..! ரத்த வெள்ளத்தில் துடித்த அவலம்.. பகீர் வீடியோ.!!!

மகாராஷ்டிர மாநிலம் மும்பை அருகே உள்ள வசாய்-விரார் பகுதியில் பலத்த காற்றால் கடையின் இரும்புக் கூரை பெயர்ந்து சாலையில் நடந்து சென்ற பெண் மீது விழுந்த சம்பவம் அதிர்ச்சியை ஏற்படுத்தியுள்ளது. காயமடைந்த பெண் மருத்துவமனையில் சிகிச்சை பெற்று வரும் நிலையில், இந்த காட்சி சிசிடிவியில் பதிவாகி சமூக வலைத்தளங்களில் வேகமாக பரவி வருகிறது.

பலத்த காற்றால் திடீரென பெயர்ந்த கூரை

கடந்த ஜூலை 5ஆம் தேதி மாலை, வசாய்-விரார் பகுதியில் கனமழையுடன் பலத்த காற்று வீசியது. அப்போது தீபா அமித் தினோஜியா என்ற பெண் மற்றொருவருடன் குடை பிடித்தபடி சாலையோரமாக நடந்து சென்றார். அவர்கள் ஒரு கடையை கடந்தபோது, பலத்த காற்றின் தாக்கத்தால் கடையின் மேல் பொருத்தப்பட்டிருந்த இரும்புத் தகட்டினாலான கூரை திடீரென பெயர்ந்து அவர்கள் மீது விழுந்தது.

இதையும் படிங்க: அதிகாலையில் கழிவறைக்கு சென்ற வாலிபர்! திடீரென ஆக்ரோஷமாக ஓடி வந்த வளர்ப்பு நாய் பிறப்புறுப்பை கடித்து.... ரத்தம் சொட்ட சொட்ட ஓடிய சிசிடிவி காட்சி.!

தலையில் 22 தையல்களுடன் சிகிச்சை

இந்த விபத்தில் தீபாவின் தலையிலும் உடலிலும் பலத்த காயம் ஏற்பட்டது. அருகிலிருந்தவர்கள் உடனடியாக அவரை மீட்டு அருகிலுள்ள தனியார் மருத்துவமனைக்கு கொண்டு சென்றனர். அங்கு தீவிர சிகிச்சை அளிக்கப்பட்டு, தலையில் ஏற்பட்ட ஆழமான காயங்களுக்கு 22 தையல்கள் போடப்பட்டதாக மருத்துவர்கள் தெரிவித்துள்ளனர். தற்போது அவரது உடல்நிலை சீராக இருப்பதாகவும் கூறப்படுகிறது.

வைரலாகும் CCTV காட்சி

இந்த சம்பவத்தின் முழுக் காட்சியும் அங்கிருந்த சிசிடிவி கேமராவில் பதிவாகியுள்ளது. அந்த வீடியோ தற்போது சமூக வலைத்தளங்களில் பரவி பலரின் கவனத்தை ஈர்த்துள்ளது. பருவமழை மற்றும் பலத்த காற்று வீசும் காலங்களில் பொதுமக்கள் பாதுகாப்புடன் நடமாட வேண்டியதன் அவசியத்தையும், கடைகளின் கூரைகள் மற்றும் விளம்பர அமைப்புகளை உரிமையாளர்கள் முறையாக பராமரிக்க வேண்டியதையும் இந்த சம்பவம் மீண்டும் நினைவூட்டுகிறது.

இதையும் படிங்க: BREAKING: ஷாக் நியூஷ்! தேர்தல் பிரச்சாரத்தின் போது பிரபல தமிழ் காமெடி நடிகருக்கு மாரடைப்பு!!!