எவ்வளவு கஷ்டம்... வறுமையையும் விபத்தையும் வென்று IPS ஆன இளையர்! வெற்றியின் உச்சியில் IPS பதவி!

வறுமை, தடைகள், கஷ்டங்கள் எதுவாக இருந்தாலும், கனவு காணும் மனதையும் அதை அடையும் உறுதியையும் யாரும் தடுக்க முடியாது என்பதற்குச் சான்று சாஃபின் ஹசனின் வாழ்க்கை. சாதாரண குடும்பத்தில் பிறந்த அவர், விடாமுயற்சி மற்றும் கடின உழைப்பால் இந்தியாவின் உயர்ந்த அதிகாரிகளில் ஒருவராக உயர்ந்தார்.

சாதாரண வாழ்க்கையிலிருந்து பெரிய கனவு வரை

1995-ல் குஜராத் மாநிலம் பாளன்பூரில் பிறந்த சாஃபின் ஹசனின் பெற்றோர் வைரத் தொழிலில் பணிபுரிந்தனர். ஆனால் 2000-ஆம் ஆண்டு வேலை இழந்ததால், தாய் சமையல்காரராகவும், தந்தை செங்கல் தூக்கும் வேலைகளிலும் ஈடுபட்டார். மாலையில் இருவரும் சேர்ந்து தள்ளுவண்டியில் முட்டை விற்று குடும்பத்தை நடத்தினர்.

UPSC இலக்கு உருவான தருணம்

இந்த கடின சூழ்நிலையிலும், பள்ளிக்கு வந்த மாவட்ட ஆட்சியரை பார்த்ததும் சாஃபின் IAS ஆக வேண்டும் என்ற தீர்மானம் எடுத்தார். 11 மற்றும் 12 ஆம் வகுப்பில் கட்டணமின்றி கல்வி கற்றார். பிளஸ்-2க்கு பிறகு உறவினர்களின் உதவியுடன் இன்ஜினியரிங் படிப்பில் சேர்ந்தார்.

இதையும் படிங்க: ஒரே ஒரு மகன்! கார் இருந்தும் எப்பவும் பைக் தான்! 12 நாட்கள் போராட்டம்! சடலத்துடன் பைக்கையும் புதைத்த பெற்றோர்! மனதை கலங்க வைக்கும் சம்பவம்...

விபத்தையும் வென்ற மன உறுதி

2017-ல் UPSC தேர்வுக்கு செல்லும் வழியில் கடுமையான விபத்தில் சிக்கிய சாஃபின், பல காயங்களுடன் தேர்வை எழுதினார். பின்னர் பல அறுவை சிகிச்சைகள் மற்றும் பிசியோத்தெரபி மேற்கொண்டாலும், அவர் நம்பிக்கையை இழக்கவில்லை.

வெற்றியின் உச்சியில் IPS பதவி

அவரது உறுதி இறுதியில் பலனளித்தது. 2017 UPSC தேர்வில் 570-வது ரேங்கைப் பெற்று, 22 வயதில் IPS அதிகாரியாக உயர்ந்தார். எழுத்துத் தேர்வில் 798 மதிப்பெண்களும், நேர்காணலில் 204 மதிப்பெண்களும் பெற்று மொத்தம் 1002 மதிப்பெண்களுடன் வெற்றி பெற்றார்.

இன்று சாஃபின் ஹசன், எந்த சூழலிலும் முயற்சி, மனவலிமை, மற்றும் உழைப்பால் வெற்றி அடையலாம் என்பதற்குச் சின்னமாக பல லட்சம் இளைஞர்களுக்கு தூண்டுகோலாக உள்ளார்.

இதையும் படிங்க: அந்த வயதில் செய்திருக்க கூடாது.! வாழ்க்கையில் நான் செய்த மிகப்பெரிய தவறு.! மனம் வருந்திய நடிகை ரேவதி!!