டே-கேர் மையத்தில் 15 மாத குழந்தையை கொடூரமாக தாக்கிய அதிர்ச்சி! உடம்பு முழுவதும் கடித்து கதற கதற சித்திரவதை! சிசிடிவி காட்சியால் வெளிவந்த உண்மை....

பெருநகர வாழ்க்கையில் பெற்றோர் வேலைச்சுமையால், குழந்தைகளை பகல்நேர பராமரிப்பு மையங்களுக்கு அனுப்புவது அதிகரித்து வருகிறது. ஆனால், சமீபத்திய நொய்டா சம்பவம், குழந்தை பாதுகாப்பு மற்றும் பராமரிப்பு மைய விதிமுறைகள் குறித்து கடுமையான சந்தேகங்களை எழுப்பியுள்ளது.

சிசிடிவி காட்சிகள் அதிர்ச்சி

நொய்டா குடியிருப்பு வளாகத்தில் செயல்படும் டே-கேர் மையத்தில், 15 மாத பெண் குழந்தை தாக்கப்பட்டதாக புகார் எழுந்தது. பெற்றோர் முதலில் குழந்தையின் தொடைகளில் இருந்த காயங்களை ஒவ்வாமை என எண்ணினார்கள். ஆனால், மருத்துவ பரிசோதனையில் அது 'கடித்த காயம்' என உறுதி செய்யப்பட்டது. பின்னர் சிசிடிவி காட்சிகளில் உதவியாளர் குழந்தையைத் தாக்கி தரையில் தள்ளிய காட்சி வெளிச்சத்துக்கு வந்தது.

போலீஸ் நடவடிக்கை

செக்டர்–142 போலீசில் பெற்றோர் புகார் அளித்ததைத் தொடர்ந்து, போலீசார் எஃப்.ஐ.ஆர் பதிவு செய்து, சம்பந்தப்பட்ட மைனர் உதவியாளரை கைது செய்தனர். விசாரணையில், மைய உரிமையாளர் மற்றும் உதவியாளர் பெற்றோரிடம் தவறான வார்த்தைகளால் பேசி மிரட்டியதாகவும் தெரியவந்தது.

இதையும் படிங்க: பக்கு பக்குனு இருக்கு... புகழுக்காக இளைஞர் ஒருவர் உயிரை பணயம் வைத்து செய்த செயலை பாருங்க! வைரலாகும் அதிர்ச்சி வீடியோ!

பாதுகாப்பு விதிமுறைகள் மீது கேள்வி

குழந்தையின் தந்தை சந்தீப், மே 21 முதல் தினமும் 2 மணி நேரம் மையத்தில் குழந்தையை வைத்ததாகவும், 'ஆசிரியர் மேற்பார்வை' என வாக்குறுதி அளித்தும், நடைமுறையில் உதவியாளர் பார்த்ததாகவும் கூறினார். ₹2,500 கட்டணம் வசூலித்ததையும் தெரிவித்தார். இதே மையத்தில் இன்னொரு குழந்தை பாதிக்கப்பட்டதாக மற்றொரு குடும்பமும் விரைவில் புகார் அளிக்கத் திட்டமிட்டுள்ளது.

பணியமர்த்தல் முறைகேடு சந்தேகம்

உதவியாளர் மைனர் என்பதும் வெளிப்பட்ட நிலையில், பணியமர்த்தல் மற்றும் உரிமம் வழங்கலில் முறைகேடு உள்ளதா என போலீசார் விசாரித்து வருகின்றனர். முரண்பாடுகள் உறுதியானால், கூடுதல் நடவடிக்கை எடுக்கப்படும் எனவும் தெரிவித்தனர்.

இந்த சம்பவம், பராமரிப்பு மையங்கள் தொடர்பான பாதுகாப்பு நடைமுறைகள், ஊழியர் தகுதி சரிபார்ப்பு, மற்றும் நிரந்தர ஆசிரியர் மேற்பார்வையின் அவசியத்தை வலியுறுத்துகிறது. பெற்றோர்கள் தங்கள் குழந்தைகள் பாதுகாப்பாக இருப்பதை உறுதி செய்வது இனி ஒரு தேர்வல்ல, கடமை.

Noida – Sector-137 – पारस टियरा सोसायटी

डे-केयर में 15 महीने की बच्ची से मारपीट और दांत काटने का आरोप

मेड ने थप्पड़ मारा, पटक दिया, प्लास्टिक बेल्ट से मारा और काटा

बच्ची जोर-जोर से रोती हुई दिखी

आरोपी मेड को पुलिस ने गिरफ्तार किया

अपने बच्चों को किसी के सहारे ना छोड़े 🙏🏻 pic.twitter.com/iTkb95I0VB

— Rimjhim Jethani (@RimjhimJethani1) August 11, 2025

இதையும் படிங்க: காமக்கொடூரமான தலைமை ஆசிரியர்! மாணவிகளிடம் ஆபாச வீடியோ, அத்து மீறிய பாலியல் தொந்தரவு! உண்மை வெளிவந்ததும் புரட்டி போட்டு அடித்த பெற்றோர்கள்! வைரல் வீடியோ....