என்னால முடியல.. நான் செத்துடுறேன்! கண்ணீர் விட்டு கதறி அழுத BLO அதிகாரி! SIR பணி அழுத்தத்தால் தற்கொலை செய்வதற்கு முன் வெளியிட்ட அதிர்ச்சி வீடியோ!

மொராதாபாத்தில் அரசு பள்ளி ஆசிரியராக பணியாற்றிய சர்வேஷ் சிங் மரணம் சமூகத்தில் பெரும் சோகத்தையும் அதிர்ச்சியையும் ஏற்படுத்தியுள்ளது. பணிச்சுமை தொடர்பான பிரச்சினைகள் குறித்து அவர் முன்பு தெரிவித்துள்ளார் என்பதும் தற்போது வெளியில் வந்து கவலை கிளப்பியுள்ளது.

சர்வேஷ் சிங் எழுதிய கடிதம்

அரசு உதவி ஆசிரியரான சர்வேஷ் சிங், SIR பணிக்காக BLO கர்த்தவ்யம் வழங்கப்பட்டிருந்த நிலையில், அதிகமான பணி அழுத்தத்தையும் மன அழுத்தத்தையும் தாங்க முடியாமல் தற்கொலை செய்தார். மரணத்திற்கு முன் எழுதிய கடிதத்தில், “நான் வாழ விரும்புகிறேன்; ஆனால் என்னால் முடியவில்லை. நான் மிகவும் மன அழுத்தத்தில் உள்ளேன். என் நான்கு சிறிய மகள்களை கவனித்துக்கொள்ளுங்கள்” என்று மனகுமுறலுடன் குறிப்பிட்டிருந்தார்.

இதையும் படிங்க: பார்க்கும்போதே பதறுதே! ஆற்றில் குளித்துக் கொண்டிருந்த பெண்! நொடியில் வந்த முதலை! பெண்ணை தண்ணீருக்குள் இழுத்து.... திக் திக் காட்சி!

சம்பவத்துக்கான வீடியோ வைரல்

இந்தச் சம்பவத்தில் அதிர்ச்சியை ஏற்படுத்தும் வகையில், அவர் பணிச்சுமை குறித்து அழுதபடி பேசும் வீடியோ ஒன்று இணையத்தில் பரவியுள்ளது. SIR தொடர்பான இலக்கு மற்றும் காலக்கெடு காரணமாக ஏற்பட்ட மன அழுத்தமே அவரை இந்த முடிவுக்கு தள்ளியதாக வீடியோவில் தெரிவிக்கப்படுகிறது.

குடும்பத்தின் நிலை

தனது சேவை தொடர்பான நிலுவைத் தொகையை மனைவிக்கு வழங்க வேண்டும் என்ற வேண்டுகோளையும் அவர் கடிதத்தில் பதிவு செய்துள்ளார். நான்கு சிறிய மகள்களைப் தவிக்க விட்டுச் சென்றுள்ளதால், குடும்பம் கடும் மனஉளைச்சலில் தத்தளிக்கிறது.

அரசு ஊழியர்களுக்கான பணிச்சுமை, மன அழுத்தம் தொடர்பான பாதுகாப்பு நடவடிக்கைகள் மீண்டும் விவாதத்திற்கு வரும் வகையில் இந்த துயரமான நிகழ்வு பல கேள்விகளை எழுப்பியுள்ளது.

Sarvesh Singh, a Booth Level Officer (BLO) from #Moradabad, #UttarPradesh, who allegedly died by suicide after citing work pressure and target deadlines related to the SIR, recorded his final moments. https://t.co/NGFW2bG5pb pic.twitter.com/9mwuWV6yxP

— Hate Detector 🔍 (@HateDetectors) December 1, 2025