பாஜக பெண் நிர்வாகியை நிர்வாணமாக்கி அடித்தார்களா? நடந்தது என்ன? போலீசாரின் விளக்கம்! அரசியல் போராட்டங்கள் தீவிரம்!!!

கர்நாடக அரசியலில் மீண்டும் ஒரு சர்ச்சை வெடித்துள்ளது. ஹுப்பாலி நகரில் பாஜக பெண் நிர்வாகி சுஜாதா கைது செய்யப்பட்ட சம்பவம், ஆளும் காங்கிரஸ் அரசு மற்றும் எதிர்க்கட்சியான பாஜக இடையே கடும் அரசியல் மோதலை உருவாக்கி, மாநிலம் முழுவதும் பரபரப்பை ஏற்படுத்தியுள்ளது.

பாஜக பெண் நிர்வாகி கைது 

காங்கிரஸ் கட்சியினருடன் ஏற்பட்ட மோதல் தொடர்பாக கைது செய்யப்பட்ட சுஜாதா, போலீசார் தன்னை வாகனத்திற்குள்ளேயே ஆடைகளை களைந்து நிர்வாணப்படுத்தி தாக்கியதாக கடுமையான குற்றச்சாட்டை முன்வைத்துள்ளார். இந்த சம்பவத்தை காட்டும் என கூறப்படும் வீடியோ சமூக வலைதளங்களில் பரவி பெரும் அதிர்ச்சியை ஏற்படுத்தியுள்ளது.

காவல்துறை விளக்கம்

இந்த விவகாரம் தொடர்பாக ஹுப்பாலி காவல் ஆணையர் அளித்த விளக்கம் முற்றிலும் மாறுபட்டதாக உள்ளது. சுஜாதாவே தானாக முன்வந்து உடைகளை களைந்து நாடகமாடியதாகவும், அவரை தடுக்க முயன்ற நான்கு பெண் காவலர்களை கடித்து தாக்கியதாகவும் போலீசார் தெரிவித்துள்ளனர்.

இதையும் படிங்க: "சிரிப்பா சிரிக்குது நிலைமை... " அரை நிர்வாண கோலத்தில் ஆபாச பேச்சு.!! போலீஸ்காரரை சஸ்பெண்ட் செய்த காவல்துறை.!!

அரசியல் போராட்டங்கள் தீவிரம்

இந்த சம்பவத்தை கண்டித்து பாஜக தொண்டர்கள் மற்றும் நிர்வாகிகள் காங்கிரஸ் அரசுக்கு எதிராக தர்ணா போராட்டங்களில் ஈடுபட்டு வருகின்றனர். மறுபுறம், தாக்குதலுக்கு உள்ளான பெண் காவலர்கள் மருத்துவமனையில் அனுமதிக்கப்பட்டுள்ளதாகவும், சுஜாதா மீது ஏற்கனவே பல வழக்குகள் நிலுவையில் இருப்பதாகவும் காவல்துறை தரப்பில் கூறப்படுகிறது.

இரு தரப்பின் குற்றச்சாட்டுகளால் கர்நாடகாவில் அரசியல் பதற்றம் அதிகரித்துள்ள நிலையில், இந்த விவகாரம் மாநில அரசியலில் நீண்டகால தாக்கத்தை ஏற்படுத்தும் என அரசியல் வட்டாரங்கள் மதிப்பிடுகின்றன. உண்மை என்ன என்பது விசாரணை முடிவில் வெளிவரும் என்ற எதிர்பார்ப்பும் நிலவுகிறது.