பகலும், இரவும் இடைவிடாமல் 8 நாட்களாக வயலில் வட்டமடித்த மாடு! அதை பார்த்து ஊர்மக்கள் செய்த வினோத செயல்.... இறுதியில் நடந்த பெரிய ட்விஸ்ட்! வைரல் வீடியோ..!!!

உத்தரப்பிரதேச மாநிலம் ஸ்ரவஸ்தி மாவட்டத்தில் கடந்த எட்டு நாட்களாக ஒரு பசு மாடு தொடர்ந்து வயலைச் சுற்றிச் சுற்றி வந்த சம்பவம் பரபரப்பை ஏற்படுத்தியுள்ளது. இதை தெய்வ அருளாக நம்பிய கிராம மக்கள் அந்த மாட்டிற்கு பூஜை நடத்தி அன்னதானமும் வழங்கினர். பின்னர் கால்நடை மருத்துவர்கள் மேற்கொண்ட பரிசோதனையில், அதற்குப் பின்னால் இருந்த உண்மையான காரணம் தெரியவந்தது.

தெய்வ அதிசயம் என நம்பிய கிராம மக்கள்

இகௌனா பகுதியில் உள்ள பஸ்பரியா புரைனா கிராமத்தைச் சேர்ந்த சோனு மிஸ்திரியின் வயலில் ஆதரவற்ற பசு மாடு ஒன்று கடந்த வெள்ளிக்கிழமை முதல் ஒரே இடத்தில் தொடர்ந்து வட்டமடித்துக் கொண்டிருந்தது. பகலும் இரவும் இடைவிடாமல் நடந்த இந்த நிகழ்வு கிராம மக்களின் கவனத்தை ஈர்த்தது.

இதையடுத்து, பலர் அதை தெய்வத்தின் அருளாகக் கருதி வழிபடத் தொடங்கினர். குறிப்பாக பெண்கள் மாட்டின் காலில் விழுந்து வணங்கியதுடன், அருகிலுள்ள கிராமங்களிலிருந்தும் மக்களை அழைத்து வந்து அந்த மாட்டுடன் சேர்ந்து வயலைச் சுற்றினர். சிலர் அன்னதான நிகழ்ச்சிகளையும் நடத்தினர்.

இதையும் படிங்க: பலத்த சூறாவளி காற்று! தகரக் கொட்டகையை பிடிக்க முயன்ற இளைஞர்..... காற்றில் பறந்த அதிர்ச்சி வீடியோ! 74 பேர் பலி....மீட்பு பணிகள் தீவிரம்!!!

மருத்துவ பரிசோதனையில் வெளியான உண்மை

இந்த தகவல் மாவட்ட நிர்வாகத்திற்குச் சென்றதைத் தொடர்ந்து, வட்டாட்சியர் முன்னிலையில் முதன்மை கால்நடை மருத்துவ அதிகாரி டாக்டர் சுனில் சிங் தலைமையிலான குழு சம்பவ இடத்துக்கு வந்தது. அவர்கள் மேற்கொண்ட பரிசோதனையில், பசு மாடு எந்த அதிசய நிலையிலும் இல்லை என்பது உறுதியானது.

தகவலின்படி, அந்த மாடு 'சர்ரா' (Sarra) அல்லது ஹைப்போகிளைசீமியா தொடர்பான நரம்பியல் நோய் பாதிப்பால் அவதிப்பட்டு வந்துள்ளது. ரத்தத்தில் குளுக்கோஸ் அளவு குறைவதால் ஏற்பட்ட இந்த பாதிப்பே தொடர்ந்து வட்டமடிக்கும் நடத்தைக்கு காரணம் என மருத்துவர்கள் தெரிவித்தனர்.

அதன்பின் மருத்துவர்கள் மாட்டைக் கயிற்றால் கட்டி வைத்து குளுக்கோஸ் ட்ரிப்ஸ் மற்றும் தேவையான மருந்துகளை செலுத்தினர். சிகிச்சைக்குப் பிறகு அது அமைதியாக அமர்ந்ததாக அதிகாரிகள் தெரிவித்தனர்.

ஆனால் அதிகாரிகள் அங்கிருந்து சென்ற பிறகு, கிராம மக்கள் மாட்டை மீண்டும் அவிழ்த்து விட்டதாக கூறப்படுகிறது. இதனால் அது மீண்டும் வயலைச் சுற்றத் தொடங்கியதாக தகவல்கள் வெளியாகியுள்ளன. இந்த வீடியோக்கள் சமூக வலைதளங்களில் பரவி வரும் நிலையில், ஜனவரி மாதம் பிஜ்னோர் பகுதியில் கோயிலைச் சுற்றி வந்த நாயை தெய்வ அவதாரம் என மக்கள் வழிபட்ட சம்பவத்துடன் இதை ஒப்பிட்டு நெட்டிசன்கள் விவாதித்து வருகின்றனர்.

उत्तर प्रदेश के जिला श्रावस्ती में गाय पिछले 8 दिन से एक ही खेत के लगातार चक्कर लगा रही थी। लोगों ने चमत्कार मानकर पूजा–अर्चना शुरू कर दी। गाय की तरह लोगों ने भी खेत की परिक्रमा शुरू कर दी।

अब पता चला है कि गाय को सर्रा (हाईपोग्लाइसीमिया) नामक बीमारी थी। डॉक्टर के इंजेक्शन लगाते… pic.twitter.com/hEDutH00RT

— Sachin Gupta (@Sachingupta) June 13, 2026

இதையும் படிங்க: ஆபீஸ் நேரத்துல அடிக்குற கூத்த பாருங்க.... வங்கி மேலாளர் அறையிலே இப்படியா? அதிர்ச்சி வீடியோ...!!!