சாக்கடைக்குள் கொட்டி கிடந்த 500 ரூபாய் நோட்டுகள்! கழிவு நீரில் மிதந்த நோட்டுகளை மூட்டையாக அள்ளிய இளைஞர்கள்! அடுத்தடுத்து நடந்த அதிர்ச்சி... பகீர் வீடியோ..!!!

Copy Link

ராஜஸ்தான் மாநிலம் பிகானேரில், பொதுப் பூங்கா அருகிலுள்ள கழிவுநீர் தொட்டிக்குள் ஆயிரக்கணக்கான 500 ரூபாய் நோட்டுகள் கிடந்தது பெரும் பரபரப்பை ஏற்படுத்தியுள்ளது. சனிக்கிழமை நடந்த இந்த சம்பவம் குறித்து தகவல் அறிந்த போலீசார் உடனடியாக விசாரணையில் இறங்கியுள்ளனர்.

மூட்டைகளில் பணம் அள்ளிச் சென்ற இளைஞர்கள்

பிகானேரில் உள்ள ஒரு பொதுப் பூங்கா கழிவறை அருகே, சில இளைஞர்கள் மோட்டார் சைக்கிளில் வந்து கழிவுநீர் தொட்டியைத் திறந்துள்ளனர். அதன் உள்ளே இருந்த பணத்தை மூட்டைகளில் அள்ளிக் கொண்டிருந்த நிலையில், அப்பகுதி மக்கள் கவனித்தனர். மக்கள் கூடத் தொடங்கியதை பார்த்ததும், அவர்கள் ஒரு மூட்டையுடன் வேகமாக அங்கிருந்து தப்பியோடினர்.

சாக்கடையில் மிதந்த நோட்டுகள்… அதிர்ச்சியடைந்த மக்கள்

இளைஞர்கள் சென்ற பின், சந்தேகமடைந்த மக்கள் தொட்டிக்குள் பார்த்தபோது ஏராளமான ரூபாய் நோட்டுகள் மிதப்பதை கண்டு அதிர்ச்சியடைந்தனர். அருகில் இருந்த மற்றொரு தொட்டியையும் திறந்தபோது அதிலும் பணம் கிடந்தது தெரியவந்தது. இதனால் சிலர் சாக்கடை நீருக்குள் கையை வைத்து நோட்டுகளை எடுத்துக் கொண்டு, தண்ணீரில் கழுவி சேகரிக்கத் தொடங்கினர்.

இதையும் படிங்க: ஒரு பெண்ணே இப்படியா...? ரயில் நிலையத்தில் சூட்கேஸுடன் பயணம் செய்த பெண்! சந்தேகத்தால் சோதனை செய்த போது தெரிந்த ரத்தக் கறை.... திறந்ததும் உள்ளே இருந்ததைப் பார்த்து அலறிய போலீசார்..!! பகீர் சம்பவம்!!!

போலீஸ் பறிமுதல்… ‘கள்ள நோட்டுகளா?’ ஆய்வு

தகவலறிந்து வந்த போலீசார், மக்களிடமிருந்தும் மற்றும் கால்வாயிலிருந்தும் சுமார் 5,000 பணம் நோட்டுகள் பறிமுதல் செய்தனர். இதன் மதிப்பு சுமார் 25 லட்சம் ரூபாய் இருக்கும் என கூறப்படுகிறது. இந்த நோட்டுகள் அசலானவையா அல்லது கள்ள நோட்டுகளா என்பது குறித்து ஆய்வு நடைபெற்று வருகிறது என அதிகாரிகள் தெரிவித்தனர்.

இதற்கிடையில், பண மூட்டையுடன் தப்பியோடிய இளைஞர்கள் யார், இந்த தொகை எங்கிருந்து வந்தது, ஏதேனும் சட்டவிரோத செயல்களுடன் தொடர்பு உள்ளதா என்ற கோணங்களில் போலீசார் விசாரணையை தீவிரப்படுத்தியுள்ளனர். அப்பகுதியில் உள்ள சிசிடிவி காட்சிகள் ஆய்வு செய்யப்பட்டு வருகின்றன.

சாக்கடைக்குள் லட்சக்கணக்கான ரூபாய் நோட்டுகள் கிடைத்த தகவல் பரவியதால், பிகானேர் நகரில் பரபரப்பான சூழல் நிலவுகிறது.

बीकानेर में सीवरेज चैम्बर में हाथ डालकर लोगों ने 500-500 के नोट निकाल लिए, जिससे मौके पर भारी भीड़ जुट गई।
पुलिस ने बाद में पहुंचकर सभी नोट जब्त कर जांच शुरू कर दी है। pic.twitter.com/tTAE3oDvfG

— 🦋forever chahat🦋 (@Chahak__soni_pc) May 1, 2026