கண்ணை திறக்கவே முடியல... முகம் மாறி, பேச முடியாமல் நடிகை ஸ்ருதிகா வெளியிட்ட போஸ்ட்டால் ரசிகர்கள் அதிர்ச்சி!!!

தமிழக ரசிகர்களின் மனதில் தனி இடம் பிடித்துள்ள நடிகை ஸ்ருதிகா அர்ஜுன் தற்போது கடுமையான உடல்நலப் பிரச்சினையால் அவதிப்படுவதாக வெளியிட்ட தகவல் பெரும் கவலையை ஏற்படுத்தியுள்ளது. ரசிகர்களின் அன்பு ஆதரவால் தொடர்ந்து முன்னேறி வரும் அவர், இந்த சவாலையும் தைரியமாக எதிர்கொள்வேன் என்ற நம்பிக்கையை வெளிப்படுத்தியுள்ளார்.

ரியாலிட்டி ஷோக்களில் தேசிய கவனம்

‘குக் வித் கோமாளி’ நிகழ்ச்சியின் மூலம் புகழ்பெற்ற ஸ்ருதிகா, பின்னர் இந்தியில் ஒளிபரப்பான ‘பிக் பாஸ் 18’ மற்றும் தற்போது ஒளிபரப்பாகும் ‘தி 50’ (The 50) போன்ற நிகழ்ச்சிகளில் பங்கேற்று இந்திய அளவில் கவனம் பெற்றார். மொழி தடைகளை மீறியும் தனது கலகலப்பான பேச்சால் ரசிகர்களை கவர்ந்தவர் என்ற பெயரை பெற்றார்.

கடுமையான உடல்நிலை பாதிப்பு

சமூக வலைதளத்தில் வீங்கிய கண்களுடன் இருக்கும் புகைப்படத்தை பகிர்ந்த அவர், தன்னுக்கு கடுமையான வைரஸ் காய்ச்சல் ஏற்பட்டுள்ளதாக தெரிவித்தார். அதிக காய்ச்சலால் கண்களில் தொற்று ஏற்பட்டு, கண்களைத் திறக்க முடியாத அளவுக்கு வீக்கம் ஏற்பட்டுள்ளதாகவும், வயிற்று வலியும் இருந்து வருவதாகவும் கூறினார். இது சாதாரண ‘மெட்ராஸ் ஐ’ அல்ல, வைரஸ் தாக்கத்தின் விளைவு எனவும் விளக்கம் அளித்துள்ளார்.

இதையும் படிங்க: என்னவெல்லாம் நடக்குது பாருங்க! குக் வித் கோமாளி ஸ்ருதிகா அறுவை சிகிச்சைக்கு பின் வெளியிட்ட காணொளி!

‘தி 50’ நிகழ்ச்சியில் தொடர்வாரா?

தற்போது ஒளிபரப்பாகி வரும் ‘தி 50’ நிகழ்ச்சியில் இருந்து அவர் விலகுவாரா என்ற கேள்வி ரசிகர்களிடையே எழுந்தது. ஆனால், நிகழ்ச்சியில் தொடர்ந்து பங்கேற்க விருப்பம் இருப்பதாக ஸ்ருதிகா தெரிவித்துள்ளார். 3 முதல் 5 நாட்கள் ஓய்வு எடுத்துக் கொண்டு, உடல்நிலை தேறியவுடன் மீண்டும் தி 50 நிகழ்ச்சியில் கலந்துகொள்வேன் என நம்பிக்கை தெரிவித்துள்ளார்.

ரசிகர்களின் ஆதரவு குவியும் நிலையில்

ஸ்ருதிகாவின் உடல்நிலை குறித்து அறிந்த ரசிகர்கள் மற்றும் திரைப்பிரபலங்கள் சமூக வலைதளங்களில் விரைவில் குணமடைய வேண்டி வாழ்த்துகளை பகிர்ந்து வருகின்றனர். குறிப்பாக, இந்தி தெரியாத போதிலும் அவருக்காகவே நிகழ்ச்சியை பார்ப்பதாக கூறும் ரசிகர்களுக்கு நன்றி தெரிவித்து, “உங்கள் அன்பு எனக்கு பலம்” என அவர் உருக்கமாக பதிலளித்துள்ளார்.

முன்னதாக சில அறுவை சிகிச்சைகளை சந்தித்திருந்த ஸ்ருதிகா, மீண்டும் ஒரு உடல்நலச் சவாலை எதிர்கொள்வது குறிப்பிடத்தக்கது. இருப்பினும், ரசிகர்களின் ஆதரவும் தனது உறுதியும் இணைந்தால் இந்த தடையையும் கடந்து மீண்டும் உற்சாகமாக திரும்புவார் என்பதில் ஐயமில்லை.

இதையும் படிங்க: மூச்சுத் திணறல் காரணமாக தமிழ் நடிகை விசித்ரா மருத்துவமனையில் அனுமதி! அவருக்கு அவசர அறுவை சிகிச்சை....!!!