ராட்சத டவர் கிரீனில் சிக்கி பகல் முழுக்க காற்றில் தொங்கிய வாலிபர்! 60 மீட்டர் உயரம்.... இரவில் தான் மீட்பு! திக் திக் வீடியோ..!!!

சீனாவின் சிச்சுவான் மாகாணத்தில் பேரா கிளைடிங் செய்த நபர் ஒருவர், கட்டுமானப் பணிக்காக அமைக்கப்பட்டிருந்த டவர் கிரீனில் சிக்கி சுமார் 60 மீட்டர் உயரத்தில் பல மணி நேரம் தொங்கிய சம்பவம் பரபரப்பை ஏற்படுத்தியுள்ளது. அவரை தீயணைப்புத் துறையினர் நீண்ட நேர மீட்புப் பணிக்குப் பிறகு பாதுகாப்பாக மீட்டுள்ளனர்.

பேராசூட் கயிறு சிக்கியதால் ஏற்பட்ட ஆபத்து

சிச்சுவான் மாகாணத்தின் நான்சோங் நகரில் உள்ள ஜியாலிங் ஆற்றங்கரையில் Paragliding செய்து கொண்டிருந்தபோது, அந்த நபரின் பேராசூட் கயிறுகள் அருகிலிருந்த தற்காலிக Tower Crane-இல் எதிர்பாராத விதமாக சிக்கிக் கொண்டதாக தகவல்கள் தெரிவிக்கின்றன. இதனால் அவர் தரையிலிருந்து சுமார் 60 மீட்டர் உயரத்தில் நடுவானில் தொங்கிய நிலையில் சிக்கினார்.

பல மணி நேரம் நீண்ட பதற்றமான காத்திருப்பு

பகல் நேரத்தில் ஏற்பட்ட இந்த நிலைமையால் அந்த நபர் நீண்ட நேரம் கீழிறங்க முடியாமல் தவித்தார். இரவு வரை அவர் அங்கேயே தொங்கியிருந்ததாக கூறப்படுகிறது. இதையடுத்து அப்பகுதியில் திரண்ட பொதுமக்கள் பதற்றத்துடன் மீட்புப் பணியை கவனித்தனர். சம்பவ இடத்தில் எடுக்கப்பட்ட வீடியோக்கள் சீன சமூக வலைத்தளமான வீபோவில் வேகமாக பரவி கவனம் ஈர்த்தன.

இதையும் படிங்க: மரண பீதியாகும் காட்சி! ரயிலுக்குள் சிங்கம் பாய்ந்து தாய் மற்றும் குழந்தையை இழுத்து சென்று கொடூர தாக்குதல்.. அதிர்ச்சி வீடியோ..!!

தீயணைப்புத் துறையின் விரைவு மீட்பு

தகவல் கிடைத்ததும் தீயணைப்புத் துறையினர் மற்றும் கிரீன் பணியாளர்கள் உடனடியாக சம்பவ இடத்துக்கு விரைந்தனர். அதன்பின் வான்வழி ஏணி பயன்படுத்தி மேற்கொள்ளப்பட்ட நீண்ட நேர முயற்சியின் மூலம் அந்த நபர் பாதுகாப்பாக கீழிறக்கப்பட்டார். அதிகாரிகள் தெரிவித்த தகவலின்படி, அவருக்கு எந்தவித காயமும் ஏற்படவில்லை. பரபரப்பான இந்த மீட்புக் காட்சிகள் தற்போது சமூக வலைத்தளங்களிலும் இணையதளங்களிலும் அதிகம் பகிரப்பட்டு வருகின்றன.

இதையும் படிங்க: காசு, பணம் எதுக்கு? பால்கனியில் இருந்து ரூ. 1.5 கோடி பணத்தை நடுரோட்டில் தூக்கி வீசிய பெண்! பணத்தை எடுக்க திரண்ட மக்கள் கூட்டம்... காரணத்தை கேட்டா ஆடிப் போயிடுவீங்க! வைரல் வீடியோ..!!!